2013年12月30日 星期一

連炎輝:手術前見近藤

video


連炎輝:手術前見近藤

【懷念阿梅】好友連炎輝:梅姐手術前曾見近藤

從事保險業的連炎輝,當年經羅君左(斌仔)介紹跟阿梅傾保險,自此兩人成為無所不談的好友,他暱稱阿梅做「女士」,還介紹阿梅的一生最愛──近藤真彥給她認識。



■連炎輝(左)介紹阿梅與近藤真彥認識,造就一段情緣。

當年係斌仔介紹佢同我傾保險,識咗後成班一齊玩,佢好鍾意半夜打電話畀我傾偈,係我介紹佢識近藤真彥,當時華星安排近藤嚟香港做騷,因為演出要買保險,所以我識咗近藤。嗰次我叫女士同哥哥(張國榮)陪我去慶功宴捧場,女士話:「咦!細路仔(近藤),唔去。」結果兩個都有陪我去,之後介紹佢哋識,開始交換電話,嗰晚佢哋有少少觸電,之後佢覺得近藤唔係細路仔,都幾大男人又有風度,有時過日本探佢,有次近藤又嚟香港,大家約去disco飲嘢,佢哋就開始拍拖。

隱瞞病情

女士日文同英文都係有限公司,但佢哋電話可以講四個鐘,之後我哋又聽佢講番四個鐘,嗰段日子佢真係好開心,佢仲喺日本買埋樓,有次近藤喺日本做巡迴,我同女士秘密去日本,近藤安排我哋跟住佢巡迴,女士就會將身份降到好低,變普通平民混入工作人員。

之後可能佢哋兩地相隔,各有各忙,時間耐咗感情淡咗,但分手唔關中森明菜事,分手後女士都傷心,但佢明白呢段感情唔會開花結果,後來知近藤結婚,有送花祝賀恭喜佢。女士同近藤感情好特別,佢臨做手術前,都專登飛去日本見近藤,之前佢一直唔肯做手術,大家𠱁佢做手術,佢話:「除非你安排我見近藤一次。」7月我陪佢去日本見近藤,咁啱係近藤生日,大家約飲茶食飯,佢見到近藤都好開心,但女士冇同近藤講自己有事,唔想覺得係病人要特別呵護。直至佢走(死)咗,近藤先知道佢有事,晴天霹靂嚇到佢死,問點解當時咁病重都唔講畀佢知?

口述:連炎輝

筆錄:餘燕儀

逢周五隨《蘋果日報》附送嘅時尚美容雜誌《add》雖然早已派完;

拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!



鍾意就快D Share啦!
Related Posts Plugin for WordPress, Blogger...