2014年1月8日 星期三

[FACE 346] 新 DJ 閨蜜打救 張栢芝商台開咪 栢芝,張栢芝,MF,




上週五( 3日)栢芝中午時分帶住 Lucas同 Quintus返新加坡,其間仲幫 Lucas扣衫鈕,母愛泛濫。《蘋果日報》圖片

真面目

新 DJ 閨蜜打救 張栢芝商台開咪

行蹤飄忽的張栢芝,年中帶住兩子 Lucas和 Quintus移居加拿大四個月後,回流香港再轉飛新加坡,聖誕前更流出一家四口在新加坡的「合照」,一直照顧兩個仔的栢芝原來聖誕節已靜俏俏返港,更讓 Lucas和 Quintus黐實霆鋒、拉姑和四哥過節。

無仔一身輕,栢芝即約化妝師好友 Rick Chin見面,據知向來與 Rick Chin關係要好的栢芝更提議一齊在商台開咪做節目《起來!大龍鳳》!栢芝終於回歸, Rick Chin亦向本刊直認邀栢芝開咪,「佢係義氣仔女,知道我做緊(電台節目)就話可以一齊做。𠵱家係睇緊科技點配合,希望農曆年前可以開始到。」

其實栢芝向來有話題性,今次跟好友開咪做主持,踏入新一年,算有個唔錯開始。

已經 33歲、更是兩子之母的失婚栢芝,其實去到邊都依然係風頭躉,去年 10月底帶兩子到新加坡,其間不時被市民認出要求合照,芳蹤經常在微博流傳。

週一( 6日),栢芝髮型師好友 Kelvin Koo又將栢芝新相上載至微博,今次仲玩埋草菇頭,呢期行 cutie路線咩?網上圖片

Rick Chin同栢芝相識十幾年,栢芝人生多個低潮都有佢陪住,今次合作做主持,應該默契十足喎。網上圖片

除咗 Rick Chin、栢芝同髮型師 Kelvin Koo都好熟,冇微博嘅栢芝𠵱家每日 send相畀 Kelvin,等佢負責向大家匯報。網上圖片

「有時講嚇性」

上週四栢芝到髮型屋前,原來已秘密去咗商台一轉,見過陳志雲同甘菁菁,開咪冇問題啦!

剛過去的聖誕節,栢芝帶 Lucas和 Quintus返港陪霆鋒、拉姑和四哥過節,有空檔便相約經理人公司老闆餘毓興和十多年老死 Rick Chin傾 14年工作大計。據知栢芝即將參與電影及電視劇演出,亦會接拍廣告,頭炮正是與好友在商台開咪做主持。

週日( 5日),本刊致電 Rick Chin求證,他證實栢芝開咪,「嚟緊我哋會喺電台做節目。今次佢返嚟,我哋見面時就已經傾好初步,不過都要等佢安頓好兩個仔先,我就希望節目可以喺農曆年開始,𠵱家係睇緊科技點配合,因為佢冇可能長期 stay喺香港(做主持?)你都知我個節目有時會講嚇性、講嚇感情,所以可能都會(好有話題性)。不過我哋會再傾。」

據知上週四( 2日),栢芝便到過商台,向一眾高層包括行政總裁陳志雲「打招呼」,為加入商台做好準備;而商台外事部週一( 6日)則以「請留意雷霆 881嘅廣播」作回應栢芝開咪一事。

千語讓路

《忽然 1周》圖片

曾經合作過 now節目《千與 Chin尋》、又喺電台搭檔做《起來!大龍鳳》做主持,不過千語 BB任務已完成,現在都要讓位畀栢芝。

Lucas已開學

雖然栢芝準備復出工作,不過仍然會將 2個寶貝仔放在第一位。

據知栢芝一直都緊張 Lucas學業,之前離開加拿大亦是因為 Lucas未能適應學習環境而退學。「 Lucas雖然得 6歲人仔,不過鍾唔鍾意佢自己識講,喺加拿大嗰邊佢開咗學,但係適應唔到都冇辦法,咁霆鋒同栢芝商量後就決定帶個仔過新加坡試嚇,聖誕節前霆鋒就係過去陪 Lucas上嚇堂,睇佢接唔接受得到,𠵱家已經揀定咗一、兩間學校畀兩個小朋友㗎喇,不過最終都係要睇小朋友點樣揀。」知情人士說。

而栢芝老友 Rick Chin亦說:「佢𠵱家係同兩個仔返過去開學, so far見 Lucas同 Quintus都好開心,不過小朋友嘅嘢好難講,要睇定啲至知適唔適應得到。」

除咗開咪, Rick Chin和栢芝合作搞的小朋友用品生意亦籌備中, 14年栢芝正式全面復出。

據知栢芝今年會投入番工作,老闆餘毓興應該係最開心嗰個。

最遲明年可以宣傳同栢芝一齊搞嘅小朋友用品品牌,到時可以搵 Lucas同 Quintus做代言人添!網上圖片

同栢芝出街, Rick Chin順手湊埋 Lucas,所以對於小朋友用品, Rick Chin亦有啲心得!圖片

網友追到新加坡

自栢芝和霆鋒 11年離婚後,栢芝行蹤一直成傳媒追訪目標。去年 10月栢芝帶住兩子高調由加拿大返港,最近卻又帶了兩子到新加坡生活,其間栢芝多次在街上被市民認出,最經典的莫過於去年 12月,栢芝和霆鋒各自拖住一個仔在同一地方出現!一家四口「合照」曝光。

13/12

網上圖片

霆鋒趁有假期,即飛新加坡探兩子兼陪返學,就被網友發現佢同栢芝仲有兩個仔於同一地點出現。

4/1

栢芝在兩子返學期間,到新加坡國立大學餐廳食飯 hea,又被網民認出,栢芝亦大方跟網民合照。

網上圖片

網上圖片



鍾意就快D Share啦!
Related Posts Plugin for WordPress, Blogger...