羅蘭：六叔好勤力
■羅蘭昨日返電視城時，坦言會懷念六叔。
攝影：葉君海
邵逸夫當年在無綫揸弗，盧海鵬、胡楓、譚炳文、林建明和郭鋒等資深藝人，大讚六叔是好老闆。羅蘭大讚六叔勤力，對他離世很傷感：「冇辦法，人始終要走。」六叔給鵬哥印象最深是天生慈祥臉容：「佢啲相得一個表情，就係慈善樣，唔使出聲都知道。」胡楓昨也說：「六叔係娛樂大亨，佢嘅事業令全香港嘅人開心，無論電影、電視都好大貢獻，同時又係大慈善家。」譚炳文惋惜六叔離世說：「佢過去提拔咗好多
邵氏老員工免租
當年由無綫第一期訓練班出身、已過檔港視的郭鋒昨說：「邵老闆嗰陣係訓練班主辦人，當年有嚟鼓勵我哋要努力。聽到佢呢個消息好可惜，嗰段光輝往績就會隨之而走，佢係一個事事親力親為，好關心員工嘅老闆。」林建明說：「人生旅程輕鬆咁走，唔太痛苦係福氣。」曾掌管無綫製作部達20年的吳雨接受電話訪問說：「好惋惜，阿Sir一生對娛樂同慈善事業貢獻好偉大，創造香港電視電影奇蹟，佢成日喺自己戲院睇戲同電視劇，每日可以睇兩、三部。阿Sir冇管細嘢，有次總經理位空缺，佢話：『邊個得閒邊個做。』因為無綫上咗軌道，邊個上去都得，佢睇得好通。」至於曾在無綫工作15年、擔任綜藝節目監製的丘亞葵說：「聽講以前住喺邵氏宿舍嘅老員工離職後，六叔都畀佢哋繼續住，唔使佢哋交租。」
採訪：比華利、皓騫、黃曉妍
逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！
|
鍾意就快D Share啦！
|
|
|
