掃呢頁CODE去手機

2014年1月8日 星期三

【六叔逝世】邵氏眾星念老闆 淩波憶燒片最激 六叔,BKD_S,邵逸夫,

video


【六叔逝世】邵氏眾星念老闆 淩波憶燒片最激

【六叔離世】邵氏影星念老闆 淩波憶燒片最激

邵逸夫爵士(六叔)58年成立邵氏兄弟電影公司,拍過逾千部華語電影,想當年邵氏捧紅惠英紅、淩波、金漢、嶽華、焦姣、鄭佩佩、米雪、餘安安等影星,眾星都懷念六叔,感激他知遇之恩。

邵氏女星淩波和丈夫金漢昨日在土瓜灣緬懷六叔往事,她說:「六叔建立嘅邵氏似中國荷李活,佢工作勤力、認真,每次拍戲一定第一個到,最後一個走,上車仲睇文件,我曾拍過一部《紅娘》,六叔因唔滿意燒咗冇上。」金漢爆料指六叔愛看爛片,他說:「佢一次會睇四、五套,唔係人人都得,為拍好戲。」當年淩波忽然宣佈準備與金漢結婚,曾遭六叔反對。



■六叔昨日逝世,群星悼念。

惠英紅謝伯樂

惠英紅82年憑邵氏電影《長輩》成為第一屆金像獎影後,她感謝六叔昨在電話中說:「係佢同劉家良欽點我拍《長輩》,令我獲得影後,冇六叔出現我冇今日,佢令我人生改變。」惠英紅表示記得16歲往清水灣片廠開工,當年交通不便路途遙遠,她說:「六叔擔心我危險,叫黃家禧安排我住宿舍,六叔又成日嚟探班見我竧𣉢易發脾氣,佢會安撫我。」



■邵逸夫打造的邵氏,旗下有不少藝人,淩波大讚是中國荷李活。



■淩波和金漢昨日異口同聲懷念伯樂六叔。

而66年加盟邵氏的焦姣昨日換上素服悼念六叔說:「我係邵氏老員工,好欣賞六叔呢個老闆,六叔對員工一流。當年住公司宿舍,佢成日請大家食飯,關係似一家人咁溫馨,六叔好關心我哋,不時去片場探班,監督我哋,好勤力。」66年孭飛擔正電影《西遊記》演孫悟空的嶽華,昨在土瓜灣接受訪問時說:「六叔生活咁規律,仲估佢起碼可活到110歲,好意外。係六叔揀我,令我可以加入電影圈,我所有嘢係佢畀機會我。六叔聰明、有智慧,好有決策力,佢帶領邵氏同TVB先有今日成就。當年興武俠片,六叔又畀機會我外借出去拍戲賺錢,六叔又重用中途離開去台灣發展嘅李翰祥,佢愛才唔認舊惡,呢方面好寬容。」



■惠英紅憑邵氏電影《長輩》成為首屆金像獎影後,她對六叔非常敬重。資料圖片



■米雪感激六叔當年提攜。

王羽盼他安息

鄭佩佩大前日跟邵氏藝人往看淩波演出,眾人都有提起多年沒向六叔拜年,鄭佩佩說:「最深印象六叔曾送過隻錶畀我,話我係最守時演員,亦因為呢隻錶,到今時今日我都係咁守時。」謝賢回想當年獲六叔邀拍戲說:「大家合作好開心,呢個長輩值得我敬重,佢喺電影圈好大貢獻。」

餘安安昨回憶當年拍邵氏電影趣事說:「十幾歲就拍邵氏楚原嘅戲,好多時都見邵老闆嚟片場,佢永遠都係和藹可親,無論見到演員定係小工,識定唔識,佢都點頭微笑,近啲嘅就會握手。」同樣曾效力邵氏的米雪昨也說:「我入行加入邵氏訓練班時識六叔,佢成日同我哋傾偈,可以話係偉人,好錫啲演員。」

六叔生前曾任TVBS董事長,不少台灣藝人、導演、歌手都深感惋惜。憑邵氏出品《獨臂刀》成名的王羽,早年和邵氏曾發生合約糾紛,對於六叔的離世,他昨日在台灣華視錄影節目時就說:「希望他在天之靈可以安息。」曾演出邵氏經典電影《龍門客棧》的徐楓說:「六叔是令人尊敬的長輩,提攜過無數小輩的長輩。」

採訪:比華利、胡比

攝影:陳志嵐



■王羽昨日在台灣錄影節目,他希望六叔在天之靈可以安息。

台灣《蘋果日報》



■嶽華仍然感恩六叔當年欽點成為電影男主角。

足本收睇《亂噏24》x鄭秀文@杜琪峯;再有卓韻芝!

周一至周五《亂噏24》約定你:http://bit.ly/appletalk24



鍾意就快D Share啦!