在《叱吒頒獎禮》當晚， Robynn& Kendy在台上講得獎感受講足 5分鐘，其間 Robynn（右）罕有地提及媽咪說：「天上嘅媽咪多謝你，每日都畀正能量我！」
真面目
大發現 豪門分身家 揭 Robynn& Kendy猛料家底
今時今日新人要入行，屋企冇兩個錢好難支持，不過有錢都唔一定要學梁佑嘉，揼錢拍特輯廣告自穀咁高調。
最近在《叱吒頒獎禮》奪得組合銅獎的二人女子組合 Robynn& Kendy，其中成員 Robynn亦係超猛料，原名葉晴晴的 Robynn，已故祖父竟是中共開國元老葉劍英、老豆則是最近爆出疑似二奶分身家風波的葉選廉。家族堅顯赫，講影響力，可能連狼英都要畀兩分薄面。
Robynn（葉晴晴）老豆葉選廉，貴為中共開國元老葉劍英第三子，除了是國企 CEO外，在國內更是人脈超廣，但最近葉選廉跟「京城第一名媛」趙欣瑜爆出連串花邊緋聞，遭網友連環起底下，本刊亦挖出其細女葉晴晴，原來是香港新晉清新組合 Robynn& Kendy成員。
「我係葉劍英孫女」
在香港出世的 Robynn，一直跟生母蘇丹丹在港定居，而 Robynn家姐葉明子在國內超高調，她 09年在北京紫禁城太廟跟老外丈夫結婚，令葉明子風頭盛極一時。雖然 Robynn當年都有參加家姐婚禮兼做伴娘，但她卻一直絕口不提其家底，甚至 12年 2月母親蘇丹丹逝世後， Robynn亦從冇對外洩露身世。
上週三（ 1月 1日）， Robynn在《叱吒》台上發言，公開感謝母親：「天上嘅媽咪多謝你，每日都畀正能量我！」據知情人士透露：「 Robynn喺香港出世，又喺美國讀書，一直都唔想俾人知道自己嘅背景，即使入行後，有好多記者追問佢屋企家底，佢都只係答阿爸做生意，死都唔肯講多兩句，更加唔想靠老豆關係打入內地。佢淨係享受上台唱歌，唔想俾其他嘢影響。」據知， Robynn家姐葉明子亦對細妹唔靠屋企入樂壇感到驕傲。對於家族背景顯赫， Robynn週一（ 6日）說：「我係佢（葉劍英）孫女，入行唔關家庭事，身邊都有啲人知嘅，阿爸嘅事就唔講喇。」
唱商場慳住宣傳
Robynn有紅色背景，細個在山頂德瑞國際學校讀書， 15歲去英國留學，其拍檔 Kendy（孫曉慧）父親亦是任職金融界，大學在英國著名的倫敦經濟學院畢業，但是兩女並冇瘋狂揼錢自我宣傳，反而只在 YouTube拍嚇片和密唱商場騷收 fans，有米得低調。
Robynn& Kendy出道初期經常在旺角唱商場騷，如今雖已成名，但對於唱街騷仍十分熱衷，對於獨立發展， Robynn曾說：「太遠啦，冇理由一拍拖就諗分手啫！」
風流老豆與北京第一名媛
Robynn父親葉選廉是現任深圳國葉實業有限公司（國企）董事長，兼國葉控股有限公司總裁，除了已離世的元配蘇丹丹外，有傳一直跟有北京第一名媛之稱的趙欣瑜關係密切，及至 12年 2月元配離世後，趙欣瑜於 13年公開跟葉選廉關係，但在今年 1月 2日，趙欣瑜又在微博自稱已跟葉離婚，分得財產 600萬人民幣，趙欣瑜又在微博說：「因為娛樂圈有人帶孩子闖入我的家……」，睇嚟葉選廉都頗風流。
新人靠父幹
富貴歌手一向都有，除咗經典如 Juno麥浚龍和林峯外，近年都有好多「厚底」新人入行，總之少個錢都唔得！
劏房後人 梁佑嘉
10年出道的梁佑嘉，父親是劏房大王梁平，近年更轉戰內地，投資額以 10億計，梁佑嘉出道初期，曾一擲過百萬買下 TVB時段自拍特輯穀人氣，但自從父親在 11年捲入區議會選舉種票後，梁佑嘉在 12年出完第三隻大碟後便冇咗影。
|
鍾意就快D Share啦！
|
|
|
