[FACE 346] 連詩雅揼心口講價 連詩雅,MF,

負責搞氣氛嘅王祖藍開到聲叫 Shiga少少哋拎 5千蚊出嚟畀座上客抽獎，點知 Shiga講價話 1千蚊，最後冇人理佢， 1千蚊都慳番。

FBI

連詩雅揼心口講價

上週四（ 2日）王祖藍、松岡李那、莊思敏等出席《 Delete愛人》嘅煞科宴兼中國 3D數碼娛樂有限公司嘅勁早春茗，個個都玩得好開心，中國 3D數碼同太陽娛樂老闆蕭定一、周焯華仲分別豪掟 5萬 8千 8百同拎 5萬蚊出嚟畀賓客抽獎，令氣氛勁 high！

憑〈說一句〉成功登上叱吒台嘅連詩雅（ Shiga）因為有份演出《 Delete愛人》，所以都有出席晚宴，由於前一晚至攞完獎，當晚佢仍然 high爆滿場飛，王祖藍有見及此，仲唔乘機屈佢攞錢出嚟抽獎咩！祖藍同導演葉念琛都好客氣咁請 Shiga拎 5千蚊出嚟，點知 Shiga好鬼鼠咁豎起一隻手指話唔得，只可以畀 1千，好識執生嘅祖藍望咗一眼即時轉屈第二個，最終 Shiga一毫子都唔使拎就過咗一晚，連 1千蚊都慳番！

上週三（ 1日）至上完叱吒台。咁高興，但翌日去新片晚宴就連 5千蚊都要講價。

蕭定一（右二）公司搞新年晚宴，佢嘅好兄弟太陽娛樂文化嘅 Paco（右一）同埋大老闆周焯華（中）都有畀面撐場，周焯華仲豪擲 5萬元抽獎。

鍾意就快D Share啦！

下一篇 》