2014年1月8日 星期三

[FACE 346] 氣質女流 李泳淇 李泳淇,MF,




Beauty Hunt

氣質女流 李泳淇

靚女有時目標好簡單,應屆珠寶小姐冠軍、 22歲嘅李泳淇(Rain Lee),比第 1代 Rain李彩華細 8年,以為佢想借選美入行,原來只係貪有免費教行 catwalk課程。最近有機會同筍盤馬明合作拍廣告,以為佢會好冧,點知佢話:「我覺得古天樂吸引啲!」

冇諗過拍電影,嫌拍戲時間長,但失驚無神又有機會拍電影《掃毒》同《 Delete愛人》。拍拍嚇竟然上咗癮, Rain最想似周迅賣氣質做影後。好多嘢,真係要慢慢講緣分嘅!

Profile

李泳淇 Rain

身高: 165cm

體重: 105 Ibs

Instagram: RAINNLEE(粉絲人數 4,695人)

微博:李泳淇 RainLee(粉絲人數 1,839人)

22歲李泳淇為今年珠寶小姐冠軍,理大酒店管理副學士畢業的她,原來當日參選,只為一個簡單理由。她說:「我想學行 catwalk,我知呢次比賽好認真,有人教化妝、儀態、行天橋,所以我咪試嚇囉。」無心插柳成為冠軍,正如當年 18歲的她,因為會考後冇嘢做,結果參加商台舉辦的《十人巷》。她一早講明會繼續升學,唔會做 DJ,所以當年搞手陳志雲同森美都冇畀太多意見佢,她卻因此認識了同為參賽者,後來得冠軍的大面 Bella林穎彤。她說:「我哋𠵱家仲有出嚟食飯。」

為咗學 catwalk去選珠寶小姐,結果仲攞埋冠軍,但阿 Rain(左二)𠵱家想做演員多啲。

Rain今年同男神馬國明一齊拍電器鋪廣告,對於呢個男神,阿 Rain話:「我覺得古天樂吸引啲!」

除《掃毒》外, Rain喺《 Delete愛人》亦有份演出,飾演王祖藍嘅同事。

Rain(紅圈)當年 18歲考完會考就去參加商台舉辦嘅《十人巷》,同期有「大面 Bella」林穎彤、同俾崔建邦打嘅𡃁模「中巴」鄺敏慧(右)。

有幾多周秀娜?

一直鬥心唔算強,不過 Rain除咗做 model外,最近亦有機會拍電影,仲打孖上有《掃毒》和《 Delete愛人》。戲分少,初時李泳淇仲覺得浪費時間。她說:「做 model幾個鐘,就可以收工,係快錢,但拍電影要好耐先收得工,初時真係冇興趣,但慢慢覺得原來係咁得意,我𠵱家希望可以有多啲做戲機會。」

原先 Rain有機會喺《逃出生天》中飾演古天樂女友,可惜到最後換咗唐詩詠,她說:「唔緊要啦,我明白公司,第時實有機會。」開始找到方向嘅 Rain,亦明白騷「事業線」快上位,但絕不賣弄性感的她說:「行性感可能有人會識囉,但一陣就冇用㗎,有幾多個周秀娜、舒淇?我希望自己可以好似周迅咁就好喇,佢以前都係 model,但𠵱家係影後。」



鍾意就快D Share啦!
Related Posts Plugin for WordPress, Blogger...