掃呢頁CODE去手機

2014年2月14日 星期五

[忽然1周 968] 關之琳新春最豪 關之琳,MW,




關之琳話近幾年都有孖住呂良偉夫婦,招待班老人家齊齊賀年。今年佢依舊準備大量利是,親手派俾公公婆婆。

媽咪姐

關之琳新春最豪

周二( 11日),呂良偉同老婆楊小娟搞敬老活動,筵開 60席請班老人家食飯賀新春,搵埋老友關之琳同甄子丹夫婦捧場大派利是。

關之琳出名豪氣,今年仲加碼派金牛,應該係今年圈中最豪嘅一個。近年佢同台灣富商男友陳泰銘關係愈見浮面,難怪當晚心情靚到不得了,有問必答之外,又自爆情人節請廚師返屋企煮西餐俾男友食。問佢結唔結婚,佢仲笑笑口講到明唔需要名份,一齊就得咁話,甜到漏!

甄子丹同呂良偉好鬼老友,同老婆汪詩詩一落機就趕去撐場。「宇宙最強」一到場,即時攬實美人關之琳,好鬼熱情。

身為主人家嘅呂良偉,一家三口到場, 13歲囝囝呂善揚仲上台扮孫悟空耍棍、勁度十足,不過動作就大到連呂良偉、楊小娟都彈開。



鍾意就快D Share啦!