[忽然1周 968] 三太爆超雲好 dry 超雲,MW,

即將卸任東華主席嘅三太，終於可以唞唞。當日佢心情好靚，笑容滿面，連皮膚都滑嘟嘟。

媽咪姐

三太爆超雲好 dry

賭王三房何家千金超雲，自從同陳山聰分手後，絕跡社交圈，變得好鬼低調。想知佢近況，惟有從阿媽三太陳婉珍入手。

周二（ 11日），身為東華三院主席嘅三太，打扮 sharp醒出席新春團拜活動，一早到場打點，心情靚靚。佢被問到超雲近況有問必答，講完個大女揀緊啲短期課程讀，又話自己元宵佳節會同賭王食飯。問佢啲仔女係咪一齊，三太笑笑口話：「個個都有拖拍，自己有節目啦！（超雲都有拖拍？）佢就係唯一一個冇囉！」哎呀，咁就唔覺意踢爆阿女仲 dry緊，各方才俊仲唔加把勁？

美食當前，好多女士都忍唔到，三太都唔例外。切燒豬前，佢發呆望實，陰功豬，唔通未食早餐？

同場加映

榮升模特兒公司老闆娘（右三）嘅 Mandy Lieu，上年仲拍咗三套電影，撈得唔錯。周二（ 11日），佢孖住拍檔李月（右二）同旗下模特兒食開年飯。啱啱返完大馬過年嘅佢，仲帶埋家鄉「撈生」返香港同大家食。

Mandy Lieu喺陶傑部新戲《愛．尋．迷》，除咗著泳衣落水濕曬 34c，仲有牀上激戰，望真啲， Mandy Lieu件撈起戰衣仲有啲似牀上戲服㖭。

鍾意就快D Share啦！

下一篇 》