全城熱爆的娛樂八封新聞 & 時事趣聞 & 生活 + 趣聞
做人難，做現代父母呢……更係難上難。事關細路一出世，老竇老母就孭住四百萬債，真係搵少個崩都唔得掂。
好似有一對仔女嘅郭晉安，一直住喺西貢南圍，不過近排為遷就對仔女返學，已經喺市區搵緊樓。呢日就見到安仔搭機去蘇州登台，見到記者 say hi後，就猛話自己已經「收爐收爐」拍曬劇，之後又忍唔住陰陰嘴笑喎。見安仔笑得咁開心，無他嘅！皆因佢呢個騷成百萬人仔酬勞，點都好過喺大台日拍夜拍賺雞碎咁多，點買樓喎？
安仔發現記者，即刻戴番副超遮眼腫，仲好 nice咁停低笑曬任影，藝人好榜樣呀！
6歲嘅大仔令山同 3歲孻女以雅都大個嘞，安仔同太太歐倩怡為咗一對仔女讀好書，決定由村屋搬到市區。
