2014年2月14日 星期五

[忽然1周 968] 秋生芷菁玩嘢退選 志偉局劉華做演協會長 演協會長,陳芷菁,芷菁,黃秋生,秋生,演藝人協會,演協,曾志偉,志偉,劉德華,劉華,演藝人協會會長,MW,




頭號目標

52歲嘅劉華,有民間特首之稱,所到之處,都係歡呼聲同尖叫聲,絕對唔會有人掉隻「路姆西」過去。依家女都有埋,穩重愛家形象更係深入民心,夠曬分做演協會長。

媽咪姐

秋生芷菁玩嘢退選 志偉局劉華做演協會長

人多好辦事,但每個人各持己見而又唔識得互相尊重嘅話,就只會壞事!好似演藝人協會風波咁,被前任會長曾志偉推舉做新會長嘅黃秋生,喺關鍵時候竟然因為並非會員,而遭秘書長陳芷菁拒諸門外。最終演變成兩幫人角力,搞到流選。

無論如何,新一屆演協委員一定要喺呢個月誕生,一班會員亦準備周五( 14日)喺觀塘演協會址投票。不過曾經喺演協外碌地沙、狂寸芷菁唔夠班嘅秋生,竟然自動棄權退選。佢解釋:「唔搞喇!我怕呢啲無謂嘅是非。佢(志偉)冇挽留我,我真係無能為力。」秋生唔玩,曾經發晦氣話辭職唔撈嘅芷菁自然被睇高一線,事關佢深得一班保守派會員歡心,擸到足夠票數上任絕對唔難。不過佢同媽咪姐講:「我認為自己未夠資格,即使有人提名我,都絕對唔會做會長。其實就算選到都要問當事人意願,當事人唔肯做就要選過。」

嘩,玩嘢咩!兩熱門都臨時退選?查實做演協會長最緊要有號召力,一呼要百應。據知肥媽眼見家陣演協內訌,想趁亂上任,務求用龐大嘅身軀同嚇死人嘅聲量,盛載呢鑊粥。不過前朝就有人覺得肥媽始終欠啲巨星風範,於是志偉就不停遊說劉華上陣。劉華有特首華之稱,民心贏曬,但佢工作頻繁,再抽身做呢份工似乎又真係有難度。睇嚟今次演協風波仲有排搞嘞!

劉華入行多年,絕少緋聞兼人緣佳,同各地巨星都有交情,難怪志偉依家落足嘴頭,想佢參選會長,提升演協形象。

黑馬肥媽

今年 59歲嘅肥媽,仍然搏殺,成日周圍飛去登台。早前先俾媽咪姐喺機場撞見佢等搭飛機去馬拉。據知肥媽對演協會長個位虎視眈眈,呢日同助手都密密斟咗好耐。

如果劉華做會長,應該最驚係時間分配唔到。不過肥媽喺上年 11月先割咗個子宮瘤,健康情況都有啲令人擔心。



鍾意就快D Share啦!
Related Posts Plugin for WordPress, Blogger...