2014年2月14日 星期五

[忽然1周 968] 得罪 Sam哥冇運行 陳法拉《衝上》電影版被飛 陳法拉,MW,




陳法拉原本和《衝上 2》原班人馬一樣,有得留低拍電影版,但早前因得罪吳鎮宇,同時又揀劇本得罪埋高層梁家樹,結果是唯一被 out出局的演員。

娛樂喧

得罪 Sam哥冇運行 陳法拉《衝上》電影版被飛

去年播出的《衝上雲霄 2》,有 Sam哥(吳鎮宇)及 Cool魔( Chilam)壓陣,大結局高見 41點。食髓知味,大台隨即宣布拍電影版,但過了半年卻只聞樓梯響。

踏入馬年,《衝上 2》監製梁家樹( Tommy)將轉投邵氏電影部,日前他密斟陳木勝執導拍《衝上》電影版。為加強陣容,除 Cool魔及 Sam哥外,電影版中更會加入古天樂做型佬機師。

男主角敲定,但據知吳鎮宇講明今次不會再和戲屎法拉合作,實行有佢冇我,最後法拉被踢出局,改由宅男女神林志玲坐正。

其他影片

向來人緣一般的陳法拉,早前拍《衝上 2》時,因遲到和扭計唔肯宣傳,辣㷫吳鎮宇,他當時更狂踩對方演技未夠班。

Cool魔和 Sam哥在去年「台慶頒獎禮」大熱倒灶,被玩唔順氣,對由當時仍在 TVB的梁家樹負責的《衝上雲霄》電影版,二人口徑一致話冇期唔恨拍,實行你急我唔急。

一億成本五月開拍

原班人馬開戲

除法拉被 out,《衝上 2》所有演員都有份在電影版中亮相,而且角色亦和電視劇一樣,不過戲份則是群戲居多。

當個個以為電影版凍過水,誰知柳暗花明。本刊收到消息,四月將轉職邵氏電影部的梁家樹,日前已落實將於五月與寰亞電影合作拍《衝上》電影版。《衝》片更會搵擅長拍動作片的陳木勝執導,並會加入古天樂加強陣容,以一億成本打造《掃毒》式的《衝上》電影版。

扭擰揀劇本

至於女主角,梁家樹早前曾私下搵法拉傾,但據知有人最初嫌劇本男角主導,自己角色冇發揮,因此一直未回覆。知情人透露:「法拉最初唔知寰亞會同邵氏合資,驚好似上次套《 Laughing Gor》咁,係啲低成本嘅戲,又驚多男人戲,搞到自己冇發揮,所以叫 Tommy先俾劇本佢睇咗先。人哋幕後班底都未搵齊,邊咁快有劇本呢?」

法拉扭擰揀劇本,梁家樹本已㷫上心頭,加上和法拉本有積怨的吳鎮宇,講明不會再與她合作,最終法拉被飛出局。知情人續說:「其實拍電視版嗰陣,鎮宇唔止一次投訴法拉遲到。去墾丁嗰幾日,法拉仲日日遲成粒幾鐘,鎮宇嬲到爆粗,話法拉冇演員操守。佢又嫌對方戲屎,講明若再由她任女主角就唔會拍。」早前,鎮宇更開到口踩法拉演技未夠班,「佢要放鬆囉,唔好淨係睇自己效果,因為佢點做都永遠比唔上我同 Chilam。」據知,原本和法拉關係冇咁惡劣的 Chilam,本希望可以原班人馬開戲,但早前他找法拉任 MV嘉賓時,對方講明唔做訪問,亦令主人家 Chilam左右做人難。最後梁家樹撲槌,起用他欽點的林志玲及寰亞的高圓圓頂上。

犯眾憎實錄

《衝上 2》早前到墾丁取景,陳法拉幾乎日日遲到,遭隨行化妝師在微博鬧爆外,亦惹來鎮宇和 Chilam不滿。日前 Chilam雖然不計前嫌搵她拍 MV,但據知當日只做嘉賓的法拉,堅拒接受記者訪問,亦令 Chilam左右為難(右圖)。

林志玲恨拍

電影五月才開拍,記者致電東亞發言人梁小姐,她表示旗下公司就合作在傾談當中。至於林志玲經理人則說:「我們知道此劇在香港火紅,如有機會都想傾談一下。(做女主角?)有興趣但要再傾。」

對於法拉被飛出電影版, Chilam說:「咁梗係想原班人馬,不過最後個卡士係點唔到我哋決定,乜都係公司話我知㗎咋!我都好期待同古仔合作,等公司安排啦。」對於吳鎮宇因不滿陳法拉而飛起法拉一事,鎮宇正在內地拍戲,由經理人 Helen代為回應:「其實鎮宇喺拍《衝 2》時,冇同我投訴過任何一人,所以我都唔知佢係咪同其他人唔啱。不過如果拍電影版,我諗鎮宇都會度到期嘅!」

梁家樹冧掂

據知,失視帝寶座的吳鎮宇和 Chilam,曾表明冇期拍《衝上》電影版,但最後因監製梁家樹落力做說客,終令二人回心轉意。

Chilam日前拍廣告時,回應指電影版選角由導演決定,自己會做好 Cool魔一角。

失婚豁出去

自從和 Neway太子薛世恆傳婚變,又與無綫因續約問題交惡,雙失法拉早前便豁出去和林家棟在電影《奇幻夜》中,剝衫演牀戲,可惜票房只屬一般。因得罪人多而冇份拍《衝上》電影版的她,惟有嘆句各有前因莫羨人。

飛機《掃毒》版

《衝上 2》高收,大台原本一早打算開電影版,但因台慶頒獎禮分獎唔勻, Chilam分得豬肉獎,吳鎮宇更得個吉,兩大男角詐曬型,電影版幾乎胎死腹中,最後得監製梁家樹斟掂邵氏泵水,同時寰亞老闆林建嶽亦有興趣投資。有大老細支持,水頭充足,結果山寨戲忽然變大片。電影版除了搵金牌導演陳木勝執導外,古天樂將會扮型佬機師,和吳鎮宇、 Chilam鬥搶戲。另外,林志玲和高圓圓則做空姐,與三大型男有感情戲。據知,電影版劇情會參考電影《掃毒》情節,講述三個男主角在飛往外地途中,遇到罪犯而身陷險境。

電影《掃毒》中,男主角劉青雲及古天樂獲今屆金像獎影帝提名,導演陳木勝(右二)備受激賞。

古仔做機師

古天樂高大靚仔,唔知 Sam哥 Cool魔迷會唔會轉軚呢?

Chiling做空姐

林志玲和高圓圓同樣飾演空姐,兩個女角都高頭大馬,拍住 Head姐江美儀和 CoCo胡定欣等較為的骰的空姐,應該好突出。

其他影片


鍾意就快D Share啦!
Related Posts Plugin for WordPress, Blogger...