2014年2月14日 星期五

[忽然1周 968] 莫文蔚食甜止痛 莫文蔚,MW,




莫文蔚雖然一直面帶笑容,但一問到有關心情嘅嘢,即刻閉嘴兼掉頭走人。原定下月舉行嘅香港站演唱會亦延期,喪父之痛的確唔易克服。

媽咪姐

莫文蔚食甜止痛

一月中,莫文蔚( Karen)父親莫天賜心臟病發過咗身,當時正身在英國嘅莫文蔚即匆匆趕返香港為亡父辦理身後事。

早幾日,媽咪姐喺銅鑼灣利園見到莫文蔚喺 coffee shop買咗杯咖啡同半打西餅,之後就急急腳走人上的士。媽咪姐諗住過去慰問一下,但莫文蔚只係答咗一句:「我唔會講任何嘢。」

算啦,媽咪姐都明白,剛啱喪父,心情唔好唔想講嘢都無可厚非,但都要保重自己。媽咪姐知道食甜嘢會令人開心啲,但靠西餅當正餐始終冇乜益。希望莫文蔚快啲收拾心情,重新出發啦!

莫文蔚揀法式西餅揀得好入神,唔覺意仲露埋小蠻腰。

有番咁上下高度嘅莫文蔚,都要趷高腳?咪就係要睇清楚店員有無俾錯西餅囉。

Karen夫婦跟父(左)、母及兄長感情深厚。



鍾意就快D Share啦!
Related Posts Plugin for WordPress, Blogger...