2014年2月14日 星期五

[忽然1周 968] 惠英紅柏林頂硬上 惠英紅,MW,




媽咪姐

惠英紅柏林頂硬上

啱啱過咗 54歲生日嘅惠英紅憑麥浚龍執導嘅《殭屍》入圍今年金像獎女配角,佢有份參演嘅《那夜淩晨,我坐上了旺角開往大埔的紅 VAN》又入選咗今屆柏林國際電影節全景單元,旺到爆!

雖然小紅姐腳傷未癒,不過有機會參加咁盛大嘅影展,佢負傷都飛過去,仲同媽咪姐講:「為咗去柏林,我十幾日冇行太多嘅路,腳傷好得七七八八,趁有半日時間仲同妹妹去咗幾個景點玩,哈哈,仲食咗好多嘢!」腳傷都可以四圍去,小紅姐不愧係一代俠女呀!

小紅姐得半日時間,所以先去柏林象徵「布蘭登堡門」影番張靚相,然後就同妹妹(容祖兒助手)殺入跳蚤市場,諗住掃貨,點知……變咗喪食㖭。

陳果導演(中)帶住(左起)徐天佑、惠英紅、文詠珊同黃又南行柏林紅地氈,為港產片增光,勁!



鍾意就快D Share啦!
Related Posts Plugin for WordPress, Blogger...