網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年2月6日 星期四

[壹週刊 1248] 半百倪震 孔雀收屏 倪震,M1,




同你吟一吟

半百倪震 孔雀收屏

出名係圈中貓癡嘅周慧敏,一屋豹貓褶耳波斯,全部當自己仔女,起居飲食執屎執尿一腳踢,之但係 Vivian要去台灣拍《那些年》導演九把刀新作《等一個人的咖啡》,湊貓重責,唯有交俾老公倪震。

早個禮拜,倪震一支公落銅鑼灣景隆街嘅寵物用品店入貨,又帽又黑超,就快 50歲,就算有黑超遮擋,都遮唔住開始鬆弛嘅面皮,證明佢冇向佢位 46歲不老嬌妻請教保養心得。

入到寵物店,倪震目標明確睇貓狗專用嘅電動飲水器,店員落力推銷,倪震睇完一部又一部,又要拆埋盒俾佢睇真啲,結果佢有大大座嘅不銹鋼款唔揀,買咗個細 size嘅膠造流水器。八珍都係貓人,兩者價錢,可以差一半有多。

買完水兜,路過香噴噴嘅豬牛肉乾專門店,倪震停步入貨!

貓咪水兜可以慳,平均半公斤要兩百蚊嘅豬肉乾,倪震荷包就冇上限,同當年啜爆張茆,果然識食。

九把刀新作,邀請 46歲倪太周慧敏客串,個樣 keep得好,先有本事接拍台灣愛情片。



塊面圓曬嘅倪震,著到啡啡黑黑佬味濃,同佢當年剝衫抱周慧豹爆肌照相比,三個字:孔雀收屏。

入到寵物店,倪震指定要睇電動飲水器,最先睇中一部要成千蚊嘅不銹鋼款式,仲叫店員開箱俾佢慢慢研究。

買水兜要平,買豬肉乾自己歎,倪震就好捨得,唔怪之得塊面圓咗咁多。

冇揸車,倪震坐綠 van返跑馬地屋企,見司機遲遲未開車,於是伸長條頸向前望,上咗年紀,都咁冇耐性。



鍾意就快D Share啦!