全城熱爆的娛樂八封新聞 & 時事趣聞 & 生活 + 趣聞
即場試食火腿，胡慧中食到嘴邊吊住肉絲，好滋味！
息影前曾經係打得又睇得嘅胡慧中，自從 98年嫁咗俾前民政事務局局長何志平轉行做家庭主婦，身形日漸吹脹，噸位幾乎拍得住佢老公。直到舊年，佢先開始積極減肥。
上個禮拜，胡慧中帶埋外傭去 ifc嘅 city'super上糧，黑超加長身大褸，星味即刻返曬嚟。其間撞見老友鄭經翰，兩個戙響門口吹咗陣之後，胡慧中再行去凍肉部，叫店員切嚿火腿佢試食。 明星客仔，店員分外手鬆，切咗大大塊俾胡慧中試真啲，佢亦食埋再減，即買！何太，咁辛苦先減番少少，都係忍忍口好喎！
去超市上糧，胡慧中偶遇鄭經翰，兩個即刻停低吹水。
攬住囡囡嘅胡慧中曾經肥到冇頸，最終的起心肝減肥。
