2014年2月27日 星期四

[壹週刊 1251] 諸葛紫岐湊 B有假放 諸葛,諸葛紫岐,M1,




見到《壹》仔鏡頭,薛太不滿到嘴藐藐,以前你明明好鍾意見報㗎!

同你吟一吟

諸葛紫岐湊 B有假放

舊年 12月幫老公薛嘉麟生咗個慈姑椗嘅諸葛紫岐,囝囝 Arthur「冰岐麟」就快三個月大,一日食足七餐,就快衝破 10磅大關。諸葛仲話自己係 99分媽咪,因為由餵奶換片以至沖涼,都由佢一手包辦,至於剩番嗰一分,唔係自己做得唔夠好,只係想謙虛啲。

見老婆湊仔辛苦,老公都好識做。上個禮拜四(二十日),薛嘉麟提早收工陪諸葛紫岐去圓方睇李奧納度狄卡比奧主演嘅《華爾街狼人》五點場。

去到戲院門口, 100分嘅諸葛媽咪發現《壹》仔鏡頭,即刻嘴藐藐超唔妥,薛嘉麟行去自助售票機買飛,諸葛全程背鏡。

搵工人頂更接力照顧「冰岐麟」,兩公婆出去拍拖睇場戲鬆一鬆,唔會有人怪你蛇王吞 pop嘅,慳啲啦,諸葛媽咪。

薛嘉麟去買飛,諸葛全程背鏡,再用頭髮遮面。

諸葛紫岐一索得男,幫老公薛嘉麟生咗囝囝「冰岐麟」後,馬上架勢曬。



鍾意就快D Share啦!