掃呢頁CODE去手機

2014年2月27日 星期四

[壹週刊 1251] 人氣三哥 堵塞銅鑼灣 M1,




唔好誤會,三哥呢個時候,只係戇居居等導演嗌埋位,但佢一舉手,一投足, chok到呢!

同你吟一吟

人氣三哥 堵塞銅鑼灣

近期日日要為無綫新劇《使徒行者》開工嘅三哥苗僑偉,上星期四(二月二十日)響銅鑼灣時代廣場對開,拍攝一場擺脫警方跟蹤場面。

五點幾放工時間,一街都係啱啱收工嘅 OL同自由行旅客,個個見到 man爆三哥都爭住要同佢合照。開工變成集郵聚會,一時間有五、六十人圍實三哥,身邊有個電視台工作人員想出面做醜人煞停合照會,反而三哥不知幾淡定:「唔緊要,影埋先!」

三哥任影唔嬲,理由係:「同人合照,都係我工作嘅一部分!」說話雖然係咁講,但同一日,黃德斌孖住梁琤同朱千雪,響中環拍另一套新劇《再戰明天》,又有追車又有推撞場面,圍觀人雖然多,但就冇人有興趣埋去集郵。三哥同黃德斌,兩個都係賣型賣 man,但觀眾心目中嘅「賣非佛」,得三哥囉!

工作人員向影迷通水,話有記者在場,同三哥合照會上報紙,但現場冇人因為咁而走開,繼續排隊集郵。

劇情講黃德斌搏命跑追車,其間撞到推紙皮阿婆架車,無綫指定情節。

黃德斌冇人吼

三哥 55,黃德斌得 50,但皺紋居然係後生幾年嘅多,問嚇三哥點樣將藥箱變成首飾箱啦。

現場冇人認得朱千雪,行來行去都冇人搵佢簽名影相。



鍾意就快D Share啦!