[壹週刊 1251] 發哥揸槍到揸機 發哥,周潤發,M1,

俾大班人圍住逼埋死角位，發哥有求必應，係咁吊住隻手揸機同大家逐一合照。

同你吟一吟

發哥揸槍到揸機

上星期六（二十二日）下午未夠四點，《壹》仔巡經中環威靈頓街，見到發哥架 Audi Q7泊咗響來佬餐廳出面，等咗陣，就見到車主同幾個男人食完嘢行出嚟。

《壹》仔舉機同時，仲有路人自由行外籍人士，一大班人將發哥圍住喺個死角位。街頭合照沒完沒了，見圍埋嚟嘅人愈來愈多，唔對路，夠鐘約咗接老婆返過九龍城買餸嘅發哥，邊影邊行去攞車，影到坐埋上車，都仲有個大隻女塞埋去司機位繼續影。

發哥以前拍戲，吊住手揸槍揸到隻手傷曬，而家唔揸槍揸手機，雖然係輕好多，但都傷㗎，睇住好喎！

同幾個南丫島兄弟飲完下午茶，發哥打開車尾箱，一人一袋手信走。

大隻女最後一擊，差在未坐埋上車。

鍾意就快D Share啦！

下一篇 》