2014年2月27日 星期四

[壹週刊 1251] 李彩華前度離婚大龍鳳  Rain媽寸王傲山:佢算老幾呀? 王傲山,李彩華,M1,




探熱針

李彩華前度離婚大龍鳳  Rain媽寸王傲山:佢算老幾呀?

正在蜜運的李彩華,最近因舊愛王傲山與劉明軒離婚而被拖落水,導火線是王傲山在網上貼文指有人向傳媒爆料,成最大「得益人」,辣㷫阿 Rain在微博還擊指他「可恥」,二人隔空開火。

提到女兒被屈放料宣傳, Rain媽勞氣反駁:「我個女唔使靠呢啲嘢宣傳,我諗佢哋借阿 Rain宣傳多啲囉!佢算老幾呀?如果佢想出名,我哋當幫嚇人!」

未傾掂數

曾跟李彩華拍拖兩年分手、去年一月跟有線主播劉明軒結婚的王傲山,近日爆出與老婆正在搞離婚,消息曝光後,王傲山在網上貼文狂數有人向傳媒放料,自製新聞成最大得益者,矛頭直指舊愛李彩華。

無辜被牽連的阿 Rain即時兩度在微博反擊,以「可恥」形容對方,隔空互插,火藥味濃。

有指王傲山因為衰溝女導致婚變,但他老婆亦與 DJ好友葉廷鋒過從甚密,劉明軒更已遷出禦龍山愛巢,搬返跑馬地娘家,兩公婆正為贍養費及資產分配拉鋸中。

「因為佢老婆試過同前男友(恒生銀行已故創辦人後人何乃斌)分手爭業權,雖然劉明軒最終輸咗官司,但 Marcus(王傲山)都好驚對方要分佢身家,所以一早就將啲現金轉曬去馬來西亞同大陸,而家仲傾緊贍養費數目,未傾掂數。」知情者說。

離婚消息爆出後,王傲山忽然在網上狂數跟他分手超過三年的李彩華,為此, Rain媽氣憤還擊:「我覺得好奇怪,結婚有幾耐呀?係咪真係離婚?

「我覺得佢搏宣傳多啲囉!可能佢做嗰行(保險)要宣傳,等人覺得佢有影響力,可以多啲生意。」

王傲山與有線主播劉明軒去年結婚,一年後便鬧出婚變。

Rain媽護女開腔,寸爆王傲山借離婚造宣傳。

多謝分手

王傲山在網上諷刺阿 Rain自製新聞,經常被拍到 shopping, Rain媽再寸嘴說:「我都唔知俾人影到,唔係就著得靚啲先出街,咁記者嚟影我哋,係咪要同佢攞申請表?

我個女唔需要靠呢啲宣傳,我諗佢哋借阿 Rain宣傳多啲囉!阿 Rain喺內地人氣排行榜係排五百,雖然唔係好高,但中國十幾億人口,個榜係計曬啲領導人、運動員、藝人!咁佢算老幾呀?如果佢想提高知名度,我哋咪當幫嚇人囉!」

提到當日阿 Rain與王傲山分手亦涉及對方溝女, Rain媽反而多謝王傲山。

「嗰時佢打電話同阿 Rain話分手,個女日日喊,嗰段時間係拍緊《回家的誘惑》,個角色都係好慘,後來套劇大收,我真係要多謝佢囉!」 Rain媽說。

一○年,阿 Rain拍攝內地劇《回家的誘惑》,撞正與王傲山分手,反令演技大爆發,劇集成為收視冠軍。

在國內走紅,阿 Rain被邀參加蘇州衞視的跳水節目,因失手喊爆!

阿 Rain與王傲山拍拖兩年,最後因男方偷食而分手。

阿 Rain出名孝順,一得閒就陪阿媽行街買嘢。

引爆罵戰

2010年與李彩華分手的王傲山,去年一月與有線主播劉明軒閃婚,但最近被踢爆婚變,王傲山將離婚消息曝光入曬李彩華數,暗寸她放料,觸發二人隔空開火。

2月 13日  Rain:咁快?

上週四,李彩華出席活動聞舊愛婚變,為之愕然:「其實我哋冇聯絡好耐。嚇!咁快?唔係啩,真係好 surprise!」

2月 19日 王傲山:真的對演藝發展有幫助嗎?

王傲山於個人網誌貼文大罵,指自己及家人深愛劉明軒,暗示有人用低俗手段向傳媒爆料,借機宣傳,矛頭直指舊愛李彩華。「……裝作關心我們然後引導爆料給傳媒朋友,得益者會是誰,真的對演藝事業發展有幫助嗎?」

又暗寸 Rain該腳踏實地:「其實想事業成功,必須從基本出發,腳踏實地,做好自己,不偏門已成功。」

2月 19日下午 4:00  Rain首度反擊:沒有閒情逸致理會

被牽涉入前度婚變事件, Rain即日於微博反擊:「別人的家事請不要算在我頭上,亦請他們自己趕快去處理好,我也沒有那麼多閒情逸致去理會,我的工作也很忙!……請不要拿我像在講話的照片去讓別人誤會我在說他人什麼的!萬分感激 PS:我還是單身,我也不急於談戀愛。」

2月 19日晚上 10:00  Rain第二度反擊:人在做天在看

被指借宣傳, Rain怒氣難下,同日晚在微博再作反擊:「容忍有個限度,這是你們的私事,沒有人睡在你們床下偷聽!請不要借我製造無聊新聞!可恥!人在做天在看!」



鍾意就快D Share啦!
Related Posts Plugin for WordPress, Blogger...