2014年2月19日 星期三

[FACE 352] 花旦冇到 照抄《非誠勿擾》  TVB阻嘉欣香香溝仔 香香,TVB,岑麗香,MF,




盛男想識兩位頭號女神,可惜無綫最後都唔畀,如果有佢兩位肯定收視高好多。

真面目

花旦冇到 照抄《非誠勿擾》  TVB阻嘉欣香香溝仔

求愛節目一向高收視,上年嘅《求愛大作戰》收得多話題,下週推出的《搵個好男人》又抄橋,抄足江蘇衞視皇牌節目《非誠勿擾》,點知班入圍盛男個個鬼咁識揀,全部想借呢個機會識鍾嘉欣、岑麗香。據知,主持阮兆祥原先都想請兩大女神作嘉賓,可惜高層唔肯放人,惟有靠高海寧、黃心穎撐住!

《盛女愛作戰》及《求愛大作戰》收視好之餘,亦成功製造話題,而內地真人騷《非誠勿擾》爆紅多年,無綫改少少橋,自家製的《搵個好男人》就下週一( 24日)首播。

網上圖片

10年首播嘅《非誠勿擾》,到𠵱家依然都係收視保證,每集有 24位不同界別嘅女仔,同五位男仔配對。網上圖片

才藝表演玩催眠

《盛》同《求》收得因為製作認真,但《搵個好男人》就即食格局,雖然有公開招盛男,但據知入圍盛男,大部分都係婚姻介紹所客仔,其中《盛》顧問 Mei Ling嘅婚姻介紹所更係大戶。

由於可以溝明星,唔少盛男都爭住去,所以質素都唔差,有健身教練、補習天王、基金經理等中產。不過節目製作就快餐式,一星期拍完, 20集有 16位女星對 32位盛男配對,每星期 8位盛男對 4位女星,參賽盛男喺節目中同女星透過傾偈認識,之後有才藝表演,唱歌、魔術咩都有,仲有人表演催眠,到最後先有機會同心目中女神表白,玩法同《非誠勿擾》非常相似。

冇一綫花旦助陣,令《搵》吸引力打折扣,宣傳時亦只得葉翠翠,黃心穎最有睇頭。

《搵》有公開招募參賽者,但最後入圍嘅大部分都係之前喺《盛男》、《求愛》等出現過嘅婚姻介紹所。

除咗頭 5集女星外,其餘 3組都安排一位重口味女星,分別係細細粒、李漫芬同蝦頭。以為佢哋冇人爭,但原來有參賽者想識細細粒,有人揀李漫芬,唔揀黃心穎,真係估唔到班盛男口味。

《搵》由賴偉棠監製,他曾搵過《盛男》《求愛》監製岑應幫手;而岑應就搵 Rocky搭路搵人,而 Mei Ling(圓圈)亦有出手。



鍾意就快D Share啦!
Related Posts Plugin for WordPress, Blogger...