[FACE 352] FM狂攬 VIP BIGBANG GDragon露黑底 BKD_S,MF,

朝早 6點幾喺首爾機場出發飛嚟香港，到港後就唔停綵排，夜晚 8點開騷， 25歲 GD出場時仲可以活力十足搞氣氛，同 fans玩唱歌跳舞 rap全無失準，大家明點解𡃁妹都去曬追韓星啦！

FBI

FM狂攬 VIP　 BIGBANG G-Dragon露黑底

相信今年唔少港女收到最興奮嘅情人節禮物唔係男友送幾多支花，而係 BIGBANG嚟香港開「 Be My Valentine」 Fan Meeting。雖然 FM喺情人節翌日舉行，但 BIGBANG 3位成員講明係同香港 fans慶祝情人節，仲抽咗幾位 VIP（ BIGBANG對粉絲稱呼）上台玩遊戲，當然全場爆 high。勁識冧女，語言能力又強嘅勝利，一出場已大曬廣東話：「開唔開心呀？大家好，我係勝利！」

講起想送乜情人節禮物畀情人， GD話：「如果有愛人，我想親自造又靚又好味嘅朱古力畀情人……不過我未做過。」跟住閱女無數嘅太陽繼續唔怕骨痺，話自己冇乜拍拖經驗，仲跟埋 GD話：「我都想送朱古力畀情人。」

講明係 FM，當然會同 fans玩遊戲， 3人抽籤請 3位 fans做佢哋「一日女朋友」，仲親自幫 fans作打扮。 GD竟然抽到要幫粉絲扮「 cute」，玩得嘅佢當然唔介意扮可愛啦，不過最爆都係佢任由喺台上嘅粉絲攬攬抽水。

開騷前有人覺得 BIGBANG FM票價太貴（最貴飛$1,580），但有機會上台狂攬 GD、太陽同勝利，仲可以欣賞佢哋搏命演出， GD仲連底底都露埋，乜都抵啦！

GD賣靚股，太陽就着住超緊身褲激凸，唔畀 GD威曬。

勝利一向係 BIGBANG入面最玩得成員，同 fans玩完遊戲後，佢自發功趴喺地下扮貓行任大會攝影師影相，真係好鬼搏。

GD靚股

Fan Meeting去到尾聲， GD唱電台日播夜播嘅名曲〈 Crooked〉，去到尾段 GD例牌撻喺地唞唞。呢晚佢賣大包趷籮露底呀，好彩條 Saint Laurent紅色漆皮褲冇爆呔啫。

FM賣大包

GD除咗任 fans攬，佢亦有主動攬呢位日本 fans，有來有往。

好似其他 K-pop𡃁仔組合咁做心形手勢冧 fans嘅 GD，大家見過未？

當晚 11點，完騷後 GD同太陽、勝利返回佢哋入住嘅萬麗海景酒店食晚飯。 FBI八到主辦單位包咗宴會廳畀佢哋歎晚飯。飯後， 3人仲落咗蘭桂坊夜蒲，真係精力過人。

宴會廳

鍾意就快D Share啦！

下一篇 》