掃呢頁CODE去手機

2014年2月19日 星期三

[FACE 352] 現代愛情 傳劉明軒王傲山婚變 前度李彩華偷笑:咁快? 劉明軒,王傲山,李彩華,MF,




上週四( 12日)李彩華出席新男友 Thomas Lee汽車美容公司開幕, Thomas為經理人趙雪英介紹。問她關於前度王傲山婚變一事,她亦相當驚訝,她說:「估唔到喎,咁快?好 surprise喎!」

真面目

現代愛情 傳劉明軒王傲山婚變 前度李彩華偷笑:咁快?

女星嫁個高富帥固然值得羨慕,只是闊太唔易做,繼 Toby梁靖琪同老公結咗年半就離婚後,本刊得悉有線主持一姐劉明軒( Vivian)同上年一月先結婚的保險才俊王傲山鬧婚變。

據知兩人婚姻維持未夠一年,劉明軒傳因男方父母壓力及性格不合而離異,劉亦由原本同老公同住的禦龍山,搬回跑馬地娘家居住, 36歲劉明軒由少奶奶變番盛女。

36歲劉明軒( Vivian) 05年入行做有線娛樂台主播至今,雖為有線一姐,但她目標都係想嫁個有錢人。喺美國南加州大學財務學系畢業嘅劉明軒, 03年同過恒生銀行後人何乃斌拍拖,其間更以 2千 2百萬買下淺水灣一單位,可惜之後分手,男方更在 09年入禀高院要劉明軒歸還業權。

一年玩完

劉明軒和王傲山拍拖唔夠一年就結婚,當日更有許志安、梁漢文等做王傲山兄弟,估唔到一年唔夠就婚變。

李彩華 08年同王傲山拍拖,喺 10年分手。二人熱戀時阿 Rain不時同王傲山出席公開場合,更達談婚論嫁。

新抱好難做

據知王傲山家人對劉明軒印象麻麻,加速咗王傲山同劉明軒緍變。

不過爭樓糾紛未有影響劉明軒鬥志。上年 1月便極速跟拍拖只一年的李彩華前度、 AIA保險資深區域總監王傲山結婚,百萬婚禮仲有 Big 4(許志安、蘇永康、張衞健和梁漢文)做兄弟,蜜月亦去了瑞典睇北極光,估唔到結婚未夠一年就傳出婚變。

現年 35歲的王傲山之前經常喺 facebook曬恩愛,上年 9月仍跟老婆於石澳食燭光晚餐,但踏入 12月,王傲山於 facebook內出現的照片已不見劉明軒。

前週五( 7日)本刊發現劉明軒於有線做完節目後,獨自駕車返回跑馬地樂翠台娘家。知情者說:「佢哋結得太急,兩個根本性格唔係好啱,結婚後成日為小事嘈,加上 Marcus屋企人唔係好 like呢位新抱。」據知二人已傾好離婚條件及贍養費等,所以將不會對簿公堂。

「唔好再講啦!」

而曾經跟王傲山拍拖兩年,兼差點成為王太的李彩華,上週四( 12日)出席活動時驚聞舊愛傳離婚,亦忍不住掩嘴偷笑:「其實我哋好耐冇聯絡喇!( Marcus同劉明軒離咗婚喎)吓,咁快?唔係啩,真係好 surprise喎!(印象中王傲山係點嘅男人?)唉,過咗去嘅嘢唔好再講啦,我自己𠵱家多數喺大陸,香港嘅事好少理㗎喇。」至於劉明軒截稿前仍未回覆本刊。

7/2 獨返娘家

前週五( 7日)劉明軒喺荃灣有線大樓做完節目後,獨自離開公司,駕車返回跑馬地樂翠台娘家,而唔係返佢同王傲山位於火炭禦龍山愛巢。

樂翠台為劉明軒雙親持有。 91年 355萬買入,現市值 2,498萬。

9月 最後合照

上年 9月王傲山同老婆一齊喺石澳食燭光晚餐,慶祝老婆 35歲生日,當時王傲山仲 po相上 facebook。

過年期間王傲山(箭嘴)經常一支公去拜年。去過揾鄭秀文、許志安,又搵過財經界朋友朱凱婷等團拜(右圖),不過老婆劉明軒冇曬影。網上圖片

老婆冇份

網上圖片

銜頭勁多

王傲山現職友邦保險資深區域總監,亦曾為仁愛堂總理。由於同許志安係老死,當年仲提名安仔做傑青。所以王傲山同一眾圈中人混熟,加上本身識飲識食,亦愛曝光,更有專欄介紹人飲紅酒。

王傲山同許志安老友,曾提名過安仔做傑青,他亦係許志安國際慈善基金副主席。

王傲山曾經為仁愛堂總理,在政、商界人脈甚廣,早前仁愛堂有活動,王傲山亦出席,仲同劉皇發合照。

同恒生後人爭樓

劉明軒 05年加入有線,當年訪問台灣富商郭台銘,被對方摸手令佢上位。不過做有線一姐都唔及同前男友爭樓新聞吸引, 03年時劉明軒同恒生銀行後人何乃斌拍拖,當時二人聯名買下淺水灣道 3號一個價值 2,200萬單位,之後分手。 09年被何乃斌透過高院追討業權。何指出劉明軒當時只是以信託形式持有一半業權,所以要求劉把業權歸還。

07年劉明軒到台灣訪問郭台銘,其間被郭台銘搭膊及摸手,令佢一夜成名。

劉明軒同舊愛何乃斌爭 2,200萬樓,當日雙方只派律師代表出庭,而劉亦喺有線訪問解釋事件。之後法庭判何勝訴, 13年何以 6,600萬轉售。



鍾意就快D Share啦!