2014年3月6日 星期四

[壹週刊 1252] 樓南光觀音借庫 M1,




樓南光經過派「財神」搵飯食嘅公公身邊,只係拖實女友,冇接財神。

同你吟一吟

樓南光觀音借庫

上個禮拜二(二月二十五日),一年一度觀音開庫,唔少善信都會響前一晚捱眼瞓通宵排隊,希望借到十億八億,來年豐衣足食,當中包括舊年有份拍由 Juno麥浚龍執導電影《殭屍》嘅樓南光。

當日下午三點,天後蓮花宮外面人龍打蛇餅,由龍尾開始排嘅話,起碼要排一個鐘先可以入去上香,好在樓南光女友夠細心,幫手做排隊黨,到差唔多入得去,先叫佢企埋嚟。

九十年代殭屍片同追女片熱爆香港影壇,專拍呢類片種嘅樓南光,曾經好搶手,但得罪人多稱呼人少,搞到事業、婚姻都唔 alright,後來轉去做數碼電台又遇殺台風波,樓南光何止要同觀音借錢,仲要去埋車公轉運添

排到差不多,女友先叫樓南光企過嚟,其間有善信同保安發生推撞,樓南光擰番轉頭八卦。

舊年樓南光終於有機會重返大銀幕,拍咗 Juno套《殭屍》,去嚇首映見嚇報,好過為香港數碼廣播絕食 130小時,外界不聞不問。



鍾意就快D Share啦!
Related Posts Plugin for WordPress, Blogger...