[壹週刊 1252] 本性難移 珍姐撐腰 馬浚偉鼻向天 珍姐,馬浚偉,BKD_S,曾勵珍,M1,

早前出席宣傳活動，馬浚偉同麥長青，全程無偈傾面左左。

探熱針

本性難移　珍姐撐腰　馬浚偉鼻向天

年多前被指遭樂易玲打壓的馬浚偉，一二年九月憤然解約無綫，轉戰內地，無奈人氣有限人緣又差，搭唔通天地線搵唔到食，焗住向過往關係良好的戲劇製作總監曾勵珍求救，食回頭草返無綫。

賤價𢱑撈，仍恃住有高層撐腰，拍《守業者》期間，馬浚偉一身氣燄，鬧導演唔識拍阻收工唔在講，還公然教老戲骨麥長青做戲。以和為貴的麥包表面照單全收，私下一肚氣，「我使要佢（馬浚偉）教我做戲咩？」

藐麥包

馬死落地行，馬浚偉靠曾勵珍扶一把回巢無綫，夥拍歐陽震華拍新劇《守業者》，但波比突然以健康理由辭演，劇集背景隨即由時裝變成民初，人腳亦換上麥長青，有指馬浚偉獲悉合作對手檔次下移後，擔心影響自己回歸頭炮聲勢，一度同珍姐反映，但礙於適合的演員無幾多可以揀，珍姐意見接受，態度照舊。

「麥包同佢（馬浚偉）合作咗好多套劇，曾經好好兄弟，而家有人照，就嫌兄弟唔夠班，仲要講到出口，好無品囉！」一名劇組工作人

員說。

被馬浚偉藐唔夠班一事好快傳到麥包耳中，跑慣江湖的他對住記者，刻意扮矮仔自嘲：「讀得書少，俾人嫌棄。」

息事寧人，不過馬浚偉繼續「㩒住砌」，開工期間表現氣燄，不時嗌 cut教麥包做戲。氣到上心的麥包明知對方有高層撐腰，加上不想節外生枝，對於男主角的「教導」，照單全收，私下卻向工作人員呻到樹葉落：「我使要佢（馬浚偉）教我做戲咩？」

去年拍《情逆三世緣》期間患急性肺炎的歐陽震華，辭演《守業者》，最後由麥長青頂上。

一二年同鍾嘉欣拍完《當旺爸爸》的馬浚偉，自覺被樂易玲打壓，同年九月憤然同公司解約，北上發展。

向來隸屬曾姐馬房的馬浚偉，在大陸發展未如理想，唯有黐高層返無綫拍戲。（《忽然 1周》圖片）

兇導演

無聲無息出街的《守業者》，平均只得二十六點收視，馬浚偉在活動上坦言雖不滿意，卻有信心大結局時有三十點。

「馬仔（馬浚偉暱稱）今次返嚟拍劇，未開波已經四圍同人講珍姐（曾勵珍）搵佢救亡（收視），當個個都傻嘅，係人都知佢喺大陸撈唔掂先返嚟啦，最慘都係落場同佢做嘢嗰班手足，今次套劇好多導演都係新仔，所以成日俾佢捉住鬧拍得慢阻收工，有次有個唔怕死嘅導演還拖同佢嘈，點知馬仔話：『我只要講一句，你份工都冇！』咁嘅說話都講得出，就因為恃住有珍姐，如果套劇收得仲得了？而家連二十八點都冇，大家不知幾心涼！」一名有份拍《守業者》的幕後人員說。

死性不改，仗勢橫行的馬浚偉，無朋友。

無事忙的馬浚偉近日積極操 fit自己，並上載微博。

上月馬浚偉獲內地「中港桃園影視傳媒」揼水三千萬在北京開設「中港桃園馬浚偉工作室」。

合作過無數劇集的麥長青和馬浚偉，○六年曾合拍《鐵血保鏢》。

馬浚偉表示有意搵陳法拉主演自己公司旗下投資的電影，去年兩人孖咇欣賞舞台劇《四代同堂》，巧遇影後葉德嫻。

鍾意就快D Share啦！

下一篇 》