掃呢頁CODE去手機

2014年3月6日 星期四

【新鮮娛頭】劉兆銘續約無綫 坐冷板凳 劉兆銘,

video


【短片】【新鮮娛頭】劉兆銘續約無綫 坐冷板凳

2014-03-05 07:30:00

【新鮮娛頭】劉兆銘續約無綫 坐冷板凳

現年82歲嘅資深演員劉兆銘(銘sir),曾經係王維基力挖對象,王維基於大前年,三度親身斟銘sir過檔港視,希望佢為港視拍劇,及擔任導師訓練新人,不過當時無綫知道王維基力邀銘sir過檔後,就極力挽留銘sir勸佢留低,實行肥水不留別人田,而銘sir亦有感做生不如做熟,所以最後決定留低,繼續為無綫效力。

點知無綫成功挽留銘sir後,竟一直冷待佢,除咗去年獲頒「萬千光輝演藝人大獎」外,再未有委派銘sir作任何演出,大有「過橋抽板」之感。

據知銘sir為被無綫冷待而感到唔開心,記者噚日打電話畀佢,佢承認王維基早年曾力邀加盟,佢話:「係呀,好耐之前啦,係佢啱啱搞電視嗰陣。後尾TVB同我傾,我喺TVB咁多年,咪留番低囉。」

雖然同無綫續約,但卻被投閒置散不安排工作,係咪為此感到唔開心?銘Sir話:「冇呀,我根本未開心過做嘢,我太太走咗之後(銘Sir太太張慧玲前年10月因癌病逝),我情懷一路仲喺我太太度,做緊自己嘅戲,我唔開心係自己嘅唔開心,唔係TVB嘅唔開心。」

銘Sir又話佢同無綫係簽一年一騷,又承認續約無綫後,一直未獲工作安排,問佢知唔知原因?佢話:「佢哋唔知係咪對我關心呢?關心我未走出嚟(喪妻陰霾)。」



劉兆銘同無綫續約,但被投閒置散不安排工作。(資料圖片)



《倩女幽魂》中嘅 「姥姥」,係銘sir其中一個深入民心嘅電影角色。(資料圖片)



(資料圖片)



鍾意就快D Share啦!