2014年3月6日 星期四

[壹週刊 1252] 李彩華母女 環保珠寶 李彩華,M1,




Rain媽個鑽石十字架(紅圈)甩石,同職員講想再鑲過,其間阿 Rain一眼關七,發現《壹》仔鏡頭。

同你吟一吟

李彩華母女 環保珠寶

王傲山同主播老婆劉明軒搞離婚,舊愛李彩華只係講咗句:「咁快?」王傲山火都嚟,鬧阿 Rain向傳媒爆佢料搏見報,搞到 Rain媽都睇唔過眼,問王傲山「老幾?」

Rain媽有火,阿 Rain上個禮拜二(二月二十五日)晚陪阿媽去銅鑼灣行街消氣。兩母女入咗間珠寶行, Rain媽似乎係熟客,一坐低就同職員吹水,又響手袋攞咗個鑲滿鑽石嘅十字架出嚟,另外阿 Rain就攞咗兩隻卡卡聲嘅鑽石戒指,交俾職員。

八珍問過二五,原來阿 Rain兩母女好環保,鍾意攞啲舊鑽飾重新鑲過轉款,當日 Rain媽個十字架因為甩咗粒石,個女又有兩隻戒指啲石鬆鬆哋唔敢再戴,所以去珠寶行睇嚇呢幾樣嘢可以變出咩新花樣。

女人見到金銀珠寶,心情靚係公式。早排《壹》仔都喺圓方撞到丘凱敏喺珠寶店睇鑽石,由戒指試到耳環,最後連鑽石鏈都唔放過,足足試咗兩個鐘都未試完,有冇心水有冇幫襯唔係 point,係個過程,睇嚇丘凱敏幾咁心花怒放。

見到鑽石,兩母女心情亦閃曬靚番,阿 Rain仲搵咗啲鑽石款式相片,用電話影低,俾職員參考。

阿 Rain攞咗兩隻卡卡聲戒指(紅圈)交俾職員再鑲過,其間 Rain媽再戴上手望真啲。

平日斯斯文文嘅丘凱敏,見到鑽石,興奮到擘大個口,又指手畫腳叫職員攞頸鏈俾佢試。



鍾意就快D Share啦!