掃呢頁CODE去手機

2014年3月26日 星期三

[FACE 357] 隔空鬥  CL2NE1掃 bra撼黑喱士 IU 2NE1,MF,





2NE1中,以 23歲隊長 CL最有才華,唔只 rap得、唱得,仲好跳得。上週六( 22日)演唱期間 CL便邀請男 fans上台助興,唔只趷籮跳辣身舞,仲坐埋男 fans大髀,完全忘我。

真面目

隔空鬥  CL@2NE1掃 bra撼黑喱士 IU











上星期,本地 K-pop fans過了一個超級忙碌的週六、日。先來最近跟少女時代在音樂節目《人氣歌謠》鬥到難分難解的 2NE1於上週末晚( 22日)開騷;週日則有「國民妹妹」 IU及被 Lady Gaga邀請作演唱會開場嘉賓的 Crayon Pop殺入九展對疊。睇牌面,以 YG王牌女團 2NE1贏面最大,但純情玉女 IU,樣甜又唱得,一樣威脅 2NE1。

本刊直擊,上週五( 21日) 2NE1隊長 CL為以至正 Body開騷,專程踩入中環 ifc的 Calvin Klein掃黑白 bra。而 IU亦唔輸蝕,開騷當日便以透視黑喱士短裙曬腿還擊。

K-pop阿姐由首爾鬥到香港。

上週六、日, 2NE1、 IU及 Crayon Pop輪住來港搵食,打頭陣是於上週六( 22日)率先開騷的 2NE1。話曬今次是 2NE1首個港騷,加上面對樂壇小天後 IU及後起之秀 Crayon Pop撞期搶 fans,身為 YG王牌女團的 2NE1,由唱歌、跳舞,以至服裝都不容有失。所以提早於週四到港的 CL在出席中環一名牌鞋店短片發布會前,便去了 ifc shopping掃 bra。

2NE1 4個索女各有特色,喺首個屬於 2NE1名義的港騷中,唔只隊長 CL狂 fing頭扭籮,擁有 23吋纖腰的 Dara亦大騷小蠻腰,全場觀眾睇到 high。

黑 Lace IU

週日( 23日), IU單拖殺入九展舉行處女港騷。今年 20歲,出道 6年嘅 IU,已經大個女,所以今次港騷,就著上黑色透視喱士短裙,騷一騷女人味。

出名彈得一手好結他嘅 IU,演唱期間,就用國語自彈自唱容祖兒嘅〈揮著翅膀的女孩〉。唱最後一首〈 Good Day〉時更示範三段高音嘅歌唱技巧。雖然 IU條裙咁短,但坐低完全冇走過光,勁!

掃 CK黑白 bra
當日 CL由 5名助手、公關及一外籍保鑣陪同下到 ifc出巡。於 ifc兜了一圈後,最後 CL率領眾人殺入 Calvin Klein內衣店, CL於女裝內衣部分別揀了 1個白色及 1個黑色胸圍。步出店鋪時,還左望右望,警覺性極高。

有戰衣在身, CL演出時特別起勁。上週六( 22日), CL率領另外 3名成員踩入亞洲博覽館開騷。當晚 4人一開場即又唱又跳〈 Crush〉及〈 Fire〉同觀眾熱身,其間更不斷用英文對香港 fans大嗌:「 I love you」。全晚最 high,當然是 4個索女請 4名男粉絲上台大跳辣身舞,其間 CL既趷籮又坐大髀,相當瞓身。

21/3 2:15pm

開騷前一日下午, CL由助手及公關等陪同下,踩入 ifc裏面的 Calvin Klein揀 bra,其間不斷左望右望,警覺性甚高。

開騷前一日下午, CL由助手及公關等陪同下,踩入 ifc裏面的 Calvin Klein揀 bra,其間不斷左望右望,警覺性甚高。

CL揀戰衣出擊,所以不停在 bra海中尋找最合自己心水嘅款式。

20/3 11:40pm

CL抵港當日,入柴灣幫品牌影完相後,深夜 10點幾到中環來佬餐館嘆港式奶茶同點心。離開時遇上粉絲向佢送禮物, CL收禮物時亦有向對方微笑,態度友善。

WINNER矚目
為 2NE1擔任演唱會嘉賓的 YG新男團 WINNER初次在港亮相。未正式出道的 WINNER到港當晚,已有約 200粉絲接機。而身為 BIGBANG接班人,砌低多位練習生被 YG社長楊賢碩揀中的 WINNER亦不負所望, 5位男孩一出場已甚有壓場氣勢,在台上又唱又跳實力超班,睇到台下粉絲勁 high。

尚未正式出道的 WINNER喺台上充滿活力,真係好有 BIGBANG影子。

WINNER喺後台同師姐 2NE1合照, Minzy雙手冇離開過閔浩膊頭喎!

完騷後, WINNER於淩晨 12時左右現身機場,一行 5人由主將南泰賢帶頭從秘道步出。個樣有少少似 G-Dragon嘅宋閔浩更除低黑超,向 fans微笑當拜拜。

唱 Joey歌冧 fans
CL火辣進擊,身為玉女的 IU週日( 23日)於九展開首個港騷「 IU Modern Times Showcase in Hong Kong」時,亦以黑色透視喱士短裙迎戰。

當晚大騷長腿的 IU,先又唱又跳新歌〈 The Red Shoes〉,之後用英文講:「 Welcome to my first showcase in HK」。 IU話自己不擅講英文,但已很努力學講開場白。話曬來港開騷,為表誠意, IU用歪歪哋廣東話向觀眾打招呼:「大家好,我係 IU,好高興認識你哋。我愛你哋。我愛香港。」全場冧曬。

不過最 surprise是 IU揸住結他,用國語唱出容祖兒的〈揮著翅膀的女孩〉,雖然期間甩嘴,最後更只唱得半首,但 IU話自己已好努力學,事前練習 100次,希望下次可以唱曬全首。今次訪港, IU要面對於跟 2NE1同期開騷,不過她不覺有壓力,「唔好提壓力,總之港迷鍾意韓流我已覺得好開心。」既青春又有實力,加上把口甜到漏, IU點會輸?

曬靚腳

上週六( 22日), IU開騷前一日,一落機即走去屯門時代廣場出席記招,呢日佢又係穿 lace。

逗男 dancer

IU騷會場爆滿,佢唔只唱慢歌掂,唱快歌亦好有節奏感,更拉住男 dancer跳舞,連戲都交埋。

收 fans禮物

週日騷後, IU返回日航酒店休息,喺酒店門口見到等緊佢嘅 fans時, IU主動走埋去打招呼,更親手接下 fans所送嘅禮物。

Cap帽遮素顏

週一下午離港,冇化妝 IU全程用 cap帽遮面。

Crayon Pop繼續頭盔
週日( 23日)同樣於九展開 Fan Meeting的 Crayon Pop,照樣用騎呢頭盔出場,當然唔少得唱代表作〈 Bar Bar Bar〉,更與在場粉絲互動玩遊戲。 Crayon Pop話下一張唱片唔會再戴頭盔改戴頭巾,大家拭目以待。

週日( 23日), Crayon Pop亦於九展開騷,同 IU打對台。玩活潑騎呢嘅 CP,最近更被 Lady Gaga邀請做巡演開場嘉賓,認真威水。

5人分甘露

話明係 FM, CP 5女亦喺台上玩鬥快答問題遊戲,答中就獲大會請飲楊枝甘露。其間一支楊枝甘露 5個人飲,姊妹情深。

週日下午出席記招時, Ellin主動走落台同 fans握手,大打親民牌。

陸續有來
香港樂壇唔爭氣,多年嚟都仲係容祖兒同陳奕迅獨贏,間接造就一班妹妹 fans轉投青春有樣有實力的韓星懷抱。

繼上星期香港吹了一股強勁韓風後,本週至未來數月都繼續有韓星訪港,本地 K飯真係好唔得閒。


鍾意就快D Share啦!