成日話林峯係少爺仔，不過佢拍動作戲又唔會姐手姐腳，當日攞住條搭棚竹當棍舞都似模似樣，嚇得嚇人。
FBI
林峯旺角被撲濕
林峯雖然出名又 chok又姿整，不過佢拍戲嗰陣其實都好搏命㗎， FBI聽聞峯哥大部分打戲其實都係親身上陣，好少用替身。
最近 FBI行開旺角，經過一條冷巷聽到鬼殺咁嘈，入去睇嚇咩事，原來 chok峯同佘詩曼拍緊新劇《使徒行者》。
當日拍一場劈友戲，講 chok峯一打七，十足《戰狼 300》。雖然拍戲只係用假刀假棍，不過 FBI發現當班武師知道係 chok峯，事前都好緊張，仲問 chok峯使唔使戴護臂？ Chok峯好型咁話：「唔使」點知正式 roll機，有位武師唔小心，一棍打落 chok峯哥耳仔度，峯哥真係忍唔住痛到叫咗出嚟，不過峯哥繼續 keep住型話：「冇事，冇事！」呢啲咪專業囉。
拍完打戲，二人專心睇 playback。劇中林峯飾演古惑仔，髮型十足都敏俊，啱啱由外星到地球咁梳齊蔭。
|
鍾意就快D Share啦！
|
|
|
