[FACE 357] 億萬張衞健食廿蚊粥 MF,

雖然喺內地拍劇搵埋唔少，手持過億物業，但 Dicky都好慳家。呢日佢同媽咪幫襯每碗粥廿蚊有交易嘅海皇粥店，埋單 1百蚊唔使。

FBI

億萬張衞健食廿蚊粥

自從去年張衞健（ Dicky）媽咪余嘉碧喺洲際酒店遊水時不慎遇溺昏迷， Dicky就事事以阿媽行先。上週五（ 21日） FBI就喺美孚撞見 Dicky陪住媽咪幫襯平民粥店。

最近被爆身家豐厚，啱啱花 5千幾萬買入豪宅嘅 Dicky同媽咪坐咗喺粥店嘅卡位。 FBI見 Dicky好細心咁問張母食乜，關懷嘅程度，只係爭在未幫張母吹凍碗粥。

雖然去年因遇溺入過醫院，不過經 Dicky細心照顧張媽媽後，張媽已經好番曬，呢日精神睇落唔錯。

早排 Dicky用咗半個鐘，就豪掟 5千幾萬買咗跑馬地雲地利道雲暉大廈一個千五呎單位，唔聲唔聲嘅張衞健其實一早係圈中富豪。《蘋果日報》圖片

鍾意就快D Share啦！

下一篇 》