[FACE 357] 老鼠鄭融掛老外燈柱 鄭融,MF,

做星嘅鄭融警覺性竟然比男友低，鬼仔男友一早就見到 FBI喇。其實鄭融都 29歲，同呢位外籍男友都拍拖 3年，都係時候諗嚇人生大事。

FBI

老鼠鄭融掛老外燈柱

FBI同唔少港男一樣都好鍾意全智賢呢啲樣有氣質，身材又高高瘦瘦嘅女神，不過口味嘅嘢人人唔同，好似身高報稱有 5呎 2吋，細細粒嘅鄭融一樣有市場。

FBI撞到鄭融當晚，佢都有 po喺的士內同男友嘅自拍相上微博。但就因擔心男友個樣曝光而 cut咗對方個頭。其實 FBI都影咗，唔使咁擔心。網上圖片

上週一（ 17日） FBI就撞到佢同老外男友喺銅鑼灣行街。嗰日本身 FBI都留意唔到佢哋，不過喺街行行嚇突然見到一個勁高，一個勁矮嘅情侶組合，真係好難睇佢哋唔到。鄭融嘅男友望落仲起碼有 6呎 2吋，即係比鄭融足足高一呎，唔好話 FBI，連唔少途人都對佢哋眼望望，真係「電燈柱掛老鼠箱」咁款。

高足 1呎

呢日著咗平底鞋嘅鄭融，足足矮男友一呎有多。

鍾意就快D Share啦！

下一篇 》