除咗上面著內衣，為求效果更好，袁嘉敏連底褲都冇著，只靠膠紙遮掩三角位，好大犧牲㗎！
真面目
豁出去 撩㷫死蛇杜汶澤 袁嘉敏：連底褲都冇著
《豪情 3D》杜汶澤肉戰一班日本 AV女優，本地薑袁嘉敏其實都搏到盡，飾演野蠻女友，其中一場床戲，袁嘉敏喱士透視倒奶裝上場，最激係下身光脫脫連底褲都冇著，僅靠曬膠紙遮掩，生擒「死蛇」阿澤。
去到盡，只因想拍攝「策騎」效果理想，事後袁嘉敏話：「驚驚哋，今次都好大膽！」，邊個話香港演員唔專業㗎？
擁有「 34D」迫爆上圍的袁嘉敏，去年轉投金牌經理人 Paco打骰的太陽娛樂，為了打入影壇，之前都講明唔太介意全裸，三點全露冇所謂！估唔到在新片《豪情 3D》中，袁嘉敏真係搏到連底褲都唔著。
膠紙黐下體
片中袁嘉敏飾演杜汶澤女友，長期欺壓男友，發脾氣時仲會兜巴星摑落阿澤度；最慘係兩人的性活動都係由女方全權話事，每次行事，阿澤就只能做死魚，久而久之，無論女友幾火辣，都激發唔起阿澤的性慾。
為了這場床戲，袁嘉敏說：「因為要拍一個性愛動作，當然係我主動嘅動作啦，但又唔可以穿崩，惟有唔著底褲，靠黐膠紙遮住重要部位，其實拍完都驚驚哋，不過如果唔係咁拍，又好難交代到，今次都好大膽。」
30萬誘夕樹
而戲中輩份最高的女優夕樹舞子，雖然已經息影，不過仍有露股鏡頭，戲中阿澤為求重拾雄風，要搵班女優打救，阿澤不惜男扮女裝，校裙配埋長髮，兩人又喺便利店玩捉迷藏，夕樹舞子一招「彎身執嘢」，整個 pat pat將會出現大螢幕，意識大膽。
雖然唔使露點，但據知夕樹舞子是幾位女優中片酬最高，約 30萬，相隔十年復出，夕樹阿姨仲 keep到㗎！
古天樂揼本
古天樂一向撈開幕前，不過明白做演員時間有限，所以一方面撈埋後期製作，同霆鋒的「 PO朝霆」分豬肉，另一方面又科水投資電影《金雞 SSS》和《豪情 3D》，好有生意頭腦。
純港產復活
今年上半年港產片大戰，由於資金有限，好多都屬小本製作，但勝在水準高，其中除了矚目的《紅 van》外，還有《香港仔》等本土製作輪住上，幾套電影都有話題性。
|
鍾意就快D Share啦！
|
|
|
