掃呢頁CODE去手機

2014年3月26日 星期三

[FACE 357] 豁出去 撩㷫死蛇杜汶澤 袁嘉敏:連底褲都冇着 袁嘉敏,杜汶澤,MF,




除咗上面著內衣,為求效果更好,袁嘉敏連底褲都冇著,只靠膠紙遮掩三角位,好大犧牲㗎!

真面目

豁出去 撩㷫死蛇杜汶澤 袁嘉敏:連底褲都冇著

《豪情 3D》杜汶澤肉戰一班日本 AV女優,本地薑袁嘉敏其實都搏到盡,飾演野蠻女友,其中一場床戲,袁嘉敏喱士透視倒奶裝上場,最激係下身光脫脫連底褲都冇著,僅靠曬膠紙遮掩,生擒「死蛇」阿澤。

去到盡,只因想拍攝「策騎」效果理想,事後袁嘉敏話:「驚驚哋,今次都好大膽!」,邊個話香港演員唔專業㗎?

擁有「 34D」迫爆上圍的袁嘉敏,去年轉投金牌經理人 Paco打骰的太陽娛樂,為了打入影壇,之前都講明唔太介意全裸,三點全露冇所謂!估唔到在新片《豪情 3D》中,袁嘉敏真係搏到連底褲都唔著。

扮高潮

袁嘉敏飾演野蠻女友,連性活動都要話曬事,女尊男卑,阿澤就梗係唔多 enjoy,反而袁嘉敏就要扮到好享受!

扮𡃁妹

同女友袁嘉敏冇交流,阿澤為重拾雄風就同 AV女扮𡃁妹,雖然夕樹舞子已息影,不過在《豪情 3D》中仍有露股演出,輩份最高的她連片酬都高過一班女優,盡顯身份㗎!

𥄫裙底

夕樹舞子要露股,連男扮女裝的阿澤都玩埋一份,不過就太重口味囉!

膠紙黐下體

王晶飾演時事評論員,對於港人拍 AV極為反對。

片中袁嘉敏飾演杜汶澤女友,長期欺壓男友,發脾氣時仲會兜巴星摑落阿澤度;最慘係兩人的性活動都係由女方全權話事,每次行事,阿澤就只能做死魚,久而久之,無論女友幾火辣,都激發唔起阿澤的性慾。

為了這場床戲,袁嘉敏說:「因為要拍一個性愛動作,當然係我主動嘅動作啦,但又唔可以穿崩,惟有唔著底褲,靠黐膠紙遮住重要部位,其實拍完都驚驚哋,不過如果唔係咁拍,又好難交代到,今次都好大膽。」

30萬誘夕樹

37歲的夕樹舞子,上一次 AV作品已是 10年的《夕樹舞子復活》,直至《豪情 3D》客串演出。

而戲中輩份最高的女優夕樹舞子,雖然已經息影,不過仍有露股鏡頭,戲中阿澤為求重拾雄風,要搵班女優打救,阿澤不惜男扮女裝,校裙配埋長髮,兩人又喺便利店玩捉迷藏,夕樹舞子一招「彎身執嘢」,整個 pat pat將會出現大螢幕,意識大膽。

雖然唔使露點,但據知夕樹舞子是幾位女優中片酬最高,約 30萬,相隔十年復出,夕樹阿姨仲 keep到㗎!

古天樂揼本

古天樂一向撈開幕前,不過明白做演員時間有限,所以一方面撈埋後期製作,同霆鋒的「 PO朝霆」分豬肉,另一方面又科水投資電影《金雞 SSS》和《豪情 3D》,好有生意頭腦。

古天樂不單揼本投資兼監製,仲專登抽空客串一角,戲中大戰 12年 AV銷量 No.1的 AV女王由愛可奈。

對住 AV女王由愛可奈,古天樂叫對方「手下留情」,女優威力,果然厲害!

純港產復活

今年上半年港產片大戰,由於資金有限,好多都屬小本製作,但勝在水準高,其中除了矚目的《紅 van》外,還有《香港仔》等本土製作輪住上,幾套電影都有話題性。

《黑色喜劇》 20/3上畫

由杜汶澤、王祖藍和詹瑞文主演的《黑色喜劇》,三個笑匠撞埋一齊,唔知會產生咩化學效果呢?

《紅 van》 10/4上畫

《那夜淩晨,我坐上了旺角開往大埔的紅 Van》改篇自高登網路小說,預告片出街後已引來勁大回響,當中不少情節反映香港現時所面對的問題。

《香港仔》 8/5上畫

《香港仔》由彭浩翔執導,故事主要講到一家人表面風平浪靜的生活,但其實各人在成長中都隱藏傷痕與陰影,戲中梁詠琪和楊千嬅,分別有破格性感和喊戲演技的挑戰。



鍾意就快D Share啦!