上星期三，呂慧儀為 TVB節目《年代大激鬥》拍外景，上圍相當誇張。不過佢只係話自己大咗，當然冇話自己有咗。留意慧儀條腰，其實都開始見肚， FBI懷疑佢其實唔只有咗 2個月咁少。
FBI
大肚長腳蟹提早放產假
結婚兩年嘅「長腳蟹」呂慧儀，雖然經歷過老公黃文迪同傅嘉莉（ Kelly Fu）傳緋聞，不過老公週日(24日)喺微博露口風話長腳蟹疑似有喜，仲傳佢有咗 2個月。而長腳蟹並冇否認話：「多謝關心，有好消息一定同大家講。（係咪未夠 3個月唔講得？）總之有好消息會講，我哋都好期待。」
雖然長腳蟹未知肚裏面係「蟹仔」定「蟹女」，但佢就似乎好緊張。上週三（ 19日）長腳蟹拍攝《年代大激鬥》時，身穿窄身粉紅 tee包到冚， FBI已發現佢上圍明顯升 cup，但佢解釋：「係大咗囉……哈哈。」 FBI聽聞，長腳蟹拍完《年》後，就開始放假，就連本週二（ 25日）無綫喺電影節嘅曬冷都唔使去。咁咪即係提早放「產假」？
|
鍾意就快D Share啦！
|
|
|
