掃呢頁CODE去手機

2014年4月17日 星期四

[壹週刊 1258] 無奇不有 上晒身 何超儀多咗隻鬼 超儀,何超,何超儀,M1,




見雨勢愈來愈大,鬼佬幫超儀笠帽擋雨。

探熱針

無奇不有 上曬身 何超儀多咗隻鬼

結婚十年, 09年陳子聰被指溝女模斷正,被何超儀趕走,但兩公婆床頭打交床尾和。直至最近,超儀被發現經常與一外籍男子行孖咇,對方陪出陪入外,更獲超儀厚待,可以登堂入室,進駐超儀和陳子聰的愛巢。

日前,超儀在西環趕拍電視劇《再戰明天》外景,鬼佬全程跟到實,又幫超儀著風褸戴帽擋雨;收工後,鬼佬更坐埋超儀車,一同返回渣甸山寓所。

住埋一齊

答應騰出三個月時間接拍無綫劇《再戰明天》,再撞正自己電影公司開戲,這陣子,何超儀忙到跟老公陳子聰見面時間亦不多。

「呢幾個月日頭拍完戲,緊接夜晚又拍劇,無綫啲期又密,超儀拍完已經散曬,返屋企都係瞓得三四粒鐘,又要繼續!」何超儀身邊人說。

但近月無論拍電影或拍劇,超儀身邊都有一個鬼佬跟到實,據了解,對方更搬入超儀位於渣甸山的獨立屋,住埋一齊。

「個鬼佬嚟咗香港一年幾,佢係超儀班老死啲 friend,玩埋半年左右,呢幾個月超儀要開工,佢話想睇嚇香港人點拍嘢,日日跟住超儀!鬼佬本來係租屋住,但唔知點氹掂超儀,話自己俾人逼遷無地方住,超儀就借咗屋企一間房俾佢住嘞!」知情者說。

上月底,《再戰明天》拉隊到西環一間超市拍實景,有份埋位的超儀一拖三到,兩名助手外,鬼佬亦如影隨形。

劇中扮收銀員的超儀,大部分時間都在超市內埋位,上七人車補妝期間,鬼佬一直坐在旁邊陪說陪笑,超儀繼續埋位後,鬼佬才行去附近的便利店買嘢飲、煲煙,十分無聊。

拍完戲,超儀步出超市會合鬼佬。

在超市內拍攝的超儀,一停機便到門口四圍望。

換布景期間,二人行到街口煲煙傾偈。

何超儀與陳子聰結婚十年,不時恩愛出席活動。

幫手著衫

拍攝近尾聲時,天色已變得又風又雨,見一臉倦容的超儀由超市行出來,助手第一時間遞上風褸,站在身旁的鬼佬亦反應迅速,伸手幫超儀著衫再笠埋帽,表現殷勤。

晚上九時多,因為雨勢愈來愈大,外景隊唯有收隊放人,鬼佬自動波跟超儀上七人車,由司機送返渣甸山寓所。

本月初,超儀在深水埗開夜班,鬼佬亦有在場,拍四粒鐘收工,超儀上七人車換衫換鞋,鞋都未著好,鬼佬便開門上車,極之老實不客氣!之後兩人又同車返回渣甸山。

陪開工又住埋入屋,上曬身!何超儀同鬼佬共處時間,多過同老公。

30/3

當晚天文台掛黑色暴雨,九時多無綫便放人,鬼佬跟實超儀上七人車返家。

4/4

另一日外景,拍至淩晨十二時,鬼佬坐在超儀隔籬,同車返回渣甸山寓所。

11年,超儀和老公陳子聰到君悅酒店為賭王慶祝 90大壽。

大龍鳳

09年,陳子聰被超儀趕離寓所。

(《忽然 1周》圖片)

何超儀與陳子聰 03年拉埋天窗後,兩公婆經常出雙入對,直至 09年,何超儀投資拍電影《維多利亞壹號》,負責做監製的陳子聰被踢爆與戲中女配角「宋娟」撻著,毫不避嫌將親密照放上 facebook及以短訊傳情。老公偷食,超儀一怒之下將陳子聰趕出家門,但亦有指這場大龍鳳,純粹為新片宣傳而自編自導自演。



鍾意就快D Share啦!