掃呢頁CODE去手機

2014年4月17日 星期四

[壹週刊 1258] 復出做啞女 梁洛施緊張見血 梁洛施,M1,




梁洛施素顏現身,看來她早已習慣隨心過日子。

探熱針

復出做啞女 梁洛施緊張見血

離開香港娛樂圈五年,梁洛施( Isabella)宣布全面復出,回歸作包括夥拍詹瑞文演出處女舞台劇《快樂勿語》,飾演聾啞女。為打響頭炮,除每日加緊排練勤學手語,又要做運動減肥,收工返到屋企,仲要唧時間同三個囝囝 facetime親子樂。灰姑娘變做單親媽媽,一日二十四小時唔夠用。

每月返加

剛為「第三十三屆香港電影金像獎」做頒獎嘉賓的梁洛施,人在香港唔使湊仔,但工作已經佔去大部分時間。一再強調冇收過前男友李澤楷過億生活費,要自己搵錢照顧三個小朋友讀書及生活的單親媽媽 Isabella,笑言囝囝是她的原動力。

「之前幾年我一直專注湊仔,而家會安排時間兼顧工作,同公司有共識,一個月一定要飛返加拿大一個禮拜同啲小朋友一齊。呢排忙練習,時間有啲顛倒,但只要有時間,我都會同囝囝 facetime。」

詹瑞文踢爆 Isabella壓力大,回港前多次夢見他在身邊嘮嘮叨叨。

詹瑞文不時利用手語教訓梁洛施,梁活學活用以「關你乜事」反擊。

Isabella十四歲已跟詹瑞文學戲,兩人關係亦師亦友,學手語時默契十足。

師徒鬧交

上週三(四月九日)梁洛施與詹瑞文現身彩虹邨香港聾人協進會,兩人四手,甩甩漏漏學手語。

「唔用說話去溝通,我覺得好難,加上第一次做舞台劇,點會唔緊張?返香港之前雖然喺加拿大學咗幾堂,點知原來每個地方嘅手語都唔同,不過香港嘅手語比較形象化,生動同易記。」梁洛施說。

為了活學活用,上課期間,詹瑞文用手語寸梁洛施,叫她勤力啲趕進度, Isabella即以手語反擊「關你乜事」,相當搞笑。

雖然有師傅拍住上,但 Isabella不諱言手語加舞台劇,消耗體力倍上。

「因為我個角色要用肢體語言嚟加強感染力,所以要配合好多 physical嘅訓練,舞台劇同拍戲好唔同,詹 sir訓練我要認識自己嘅身體。」

詹瑞文在香港聾人協進會內與小朋友玩遊戲,氹到個個𠵱哇鬼叫。

早前 Isabella被 280磅的同學踩爆腳趾,見過鬼怕黑的她只好著波鞋頂硬上。

這本《聾童如何學習》是梁洛施了解聾啞人士的參考書。

爆腳見血

一切從身體開始。早前詹 sir同舞台劇演員玩遊戲,結果, Isabella樂極生悲。

「我俾一個二百八十磅嘅同學踩傷腳趾流血,嗰次真係好痛。」在旁的詹瑞文忍唔住插嘴:「佢好搞笑咁同對方講:你唔好踩我隻腳啦再!講到亂曬龍,不過佢好堅持,痛住都話要繼續,女仔嚟講好忍得。」

除了忍痛, Isabella仲要忍食。

「我目標要減五磅,初初返香港,成日飲奶茶食牛腩麵,結果養咗好多鬼祟肉,而家唔敢出街食,日日帶媽咪煮嘅健康飯盒。」五呎八吋高、一百二十磅的 Isabella說。

梁洛施正為舞台劇《快樂勿語》排練得如火如荼。

梁洛施日前盛裝出席香港電影金像獎頒獎禮,與余文樂頒「最佳男配角」獎給張晉。



鍾意就快D Share啦!