2014年5月8日 星期四

[壹週刊 1261] 激動狂嘔 劉家輝扭赴美療養 家輝,劉家輝,張家輝,M1,




樊亦敏週日帶劉家輝到赤柱吃燒鵝慶祝,食到一半,他突然無反應,她隨即送他到瑪麗醫睇急症,被王喜抱出車外的劉家輝臉容灰白,表現痛苦。

探熱針

激動狂嘔 劉家輝扭赴美療養

功夫演員劉家輝三年前中風後半身不遂,被泰籍妻子及子女分身家,又跟前女助手馮映華發生錢銀瓜葛。上週三(四月三十日),法庭頒令劉家輝可以取回一百八十萬欠款,不過,得悉兒子跟前助手竟然聯成一線結伴出庭,傷心激動暴食以致狂嘔要白車送入急症室。本來已經出院的他,週日又再因為兒子激動到失去反應而再度送入院。對於劉家輝近月來多次激動入院,託管人樊亦敏表示:諗過送佢去美加休養。

無反應

被抬上擔架床,劉家輝一直張開口,樊亦敏細心地替他冚被。

現年五十八歲的劉家輝(原名冼錦熙),中風後一直右邊身癱瘓,病中無妻兒照顧,親人只顧謀身家並離他而去,劉家輝幸有好友樊亦敏照顧,安排入住療養院。

日前狂嘔後入急症室的劉家輝,經觀察後無恙已經出院,但相隔五日,他又因「無反應」再被送入院。

週日(五月四日),樊亦敏跟王喜等安排劉家輝外出食飯慶祝打贏官司,中午一點,一行六人到赤柱廣場三樓的「鍾菜」酒樓,坐在輪椅的劉家輝入到酒家時即引起哄動,茶客相繼拿起相機拍照。

半句鐘後,食完燒鵝的劉家輝,由坐在他身邊的兩名男士幫手撩牙。

「劉家輝食食嚇好似突然抖唔到氣,就算成班人圍埋佢身邊不斷同佢講嘢,佢都好似無反應,唔知係咪咁,佢哋即刻埋單走人。」在場食客透露。

這兩年來慣常送劉家輝入醫院的樊亦敏,隨即到登記處辦理手續。

在急症室兩粒鐘,劉家輝由王喜及樊亦敏陪住離開。

在赤柱廣場的「鍾菜」食飯,劉家輝亦點了可樂飲。

急送瑪麗

離開酒樓,王喜快手快腳將臉容青白的劉家輝抱上保母車,直駛去瑪麗醫院,抵埗後,醫護人員用擔架床將劉家輝送入急症室。樊亦敏到登記處辦手續,王喜在急症室逗留片刻後向記者講述劉家輝的情況。「今日特登約劉師傅食飯,佢飲完可樂之後,俾嚿痰鯁住,後來吐咗出嚟,不過成個人虛脫咁,我哋咪送佢入醫院。」

在急症室休息大概兩粒鐘,劉家輝由樊亦敏及王喜陪住離開,稍有精神的他,在樊亦敏提醒下,才有意識同記者打招呼。

就劉家輝五日內兩度入院,樊亦敏在電話中說:「嗰日食飯,席間有人同佢講唔好因為仔女嘅事咁激氣,點知家輝哥聽完更加激動,唔肯再食嘢,其實好多時都係咁,唔鍾意或者唔舒服,都會即刻合埋眼唔出聲。試過有醫生同佢檢查,佢唔鍾意,索性用被冚住自己唔睬人。」

上週三,前助手馮映華跟劉家輝和解,要歸還一百八十萬給劉師傅,樊亦敏聯同十八個月來義助打官司的大律師到法庭。



兒子冼峻龍也有出現法庭,但未有問候老豆,只有跟一直用頸巾遮面唔見得人的馮映華有傾偈。

唔激得

樊亦敏表示,自從劉家輝中風出事後,情緒變得容易激動,尤其觸到傷心處,已經不下多次,因屋企人而激動到狂嘔要入醫院。

「準備官司前,因為律師要做誓章問番佢好多嘢,令佢諗起屋企人對佢咁差,所以嗰排家輝哥成日嘔,成日出入醫院。(聽聞劉家輝想去外國療養?)佢近排好多心事,好多嘢諗,都有提過去美國同加拿大休養,我哋都想盡量滿足佢,但要考慮好多因素,首先係醫生批准,其次係我哋都擔心佢,我提議過佢可以去近啲地方,好似中山,都有優質嘅療養院。」樊亦敏說。

劉家輝風光時,曾被國際大導昆倫塔倫天奴邀拍《標殺令》大曬功夫,比好多一線男星更早進軍荷李活。

中風後遭妻兒離棄,劉家輝一度抑鬱停食,是故樊亦敏會在大時大節,包括中秋節及劉家輝生日,到療養院為他慶祝,防止他亂諗嘢。

07年,在武術界有相當地位的劉家輝,孖住惠英紅出席中國功夫全球盛典頒獎禮。

一直鍾意周圍去的劉家輝,去年精神稍為好轉,樊亦敏帶他到山頂食飯行商場。

前年老婆仔女突然殺上他暫住朋友的寓所,逼他賣樓交出存款,最後要由移民美國多年的胞姐(右)回港相救,轉由樊亦敏做委託人。

可怕家人

禍不單行,劉家輝出事後,家人只顧謀住他的財產,現任泰籍妻子棄他而去,前妻跟現任妻子所生的仔女更鬼打鬼。即使劉師傅並非收埋大把,親生子女全部睇個錢字。

逼分身家

12年 2月 不良於行的劉家輝由朋友墊支搬到太子一個單位養病,想離婚的泰籍妻子跟子女搵上門,逼他變賣物業及交出百萬積蓄,還要月索五千家用。

當公仔玩

12年 3月 細女冼詠珊在 facebook爆兩個同父異母的家姐,逼老豆立遺囑分身家,將劉家輝接走幾日當公仔玩,搞唔掂又當波踢返屋企。

怪老豆冇俾家用

同年,泰籍妻子跟所生的一對仔女於三月、七月及八月到泰國旅行,兩兄妹更將大吃大喝相放上 fb,但卻向外表示冇老豆俾家用,窮到冇錢交學費。

吞傷殘金

同年八月,兒子到護老院問劉家輝攞家用不遂,就連傷殘金都吞,之後被拒接見,死心不息的他又帶同記者到護老院施壓,最後要報警解決。

搜房擸嘢走

同年十月,劉家輝住療養院期間,子女入他房間進行大搜查,將所有貴重物品擸走。

激動到嘔

就劉家輝激動後容易嘔吐,甚至要入院治療,關嘉美醫生表示有很多原因引致嘔吐,一個人唔舒服包括傷風、感冒或暈船浪都會影響腸胃,極度激動好嬲,也會影響腸胃蠕動,她指出本來向下行的食物,會倒轉行向上,腸胃打曬結,自然會嘔吐。



鍾意就快D Share啦!
Related Posts Plugin for WordPress, Blogger...