2014年7月11日 星期五

[忽然1周 989] 哀悼巴西 群星倒數世界盃 MW,




媽咪姐

哀悼巴西 群星倒數世界盃

睇件波衫,就知媽咪姐係德國隊 die hard粉絲啦。 Yeah,我哋順利殺入決賽,努力!加油!全能足球萬歲!不過咁,周三( 9日)四點爬起身睇波,見到巴西喺上半場未過一半已經兵敗如山倒,輸成 5粒咁多,真係即時醒一醒,再拍嚇自己塊臉,懷疑係咪發夢㗎!

唉,輸波事小,但巴西今勻係恥辱性大敗,埋單輸 7比 1,仲要係主辦國,真係傷心死一班巴西躉,圈中好多藝人都喺網上哀悼巴西,喊曬口㗎。正所謂「失敗乃成功之母」!媽咪姐就搵咗最近出嚟講波嘅隱世好波之人林敏驄,同大家分析嚇巴西大敗原因同世盃走勢( P. 22仲有珊珊波經),陪你倒數!

林敏驄:「大菲(巴西領隊 Luiz Felipe Scolari)衰格囉!揀人揀埋啲廢柴。你知唔知點解?因為兩年前洲際國家盃,佢哋贏咗嘛!贏得好漂亮,尼馬光芒四射,又劏咗前冠軍西班牙,咪心雄囉!以為用番原班人馬依然夠殺。(咁你有冇買波?)我中咗 7場波膽啦,已經買咗兩個島啦,點知俾個死大菲斷我條纜。(買咗兩個島?)一個係搵我唔到,一個係搵我唔 Q到!」

查實波已輸,草已鋪,林敏驄話家陣疊埋心水捧阿根廷。「邊隊有冠軍相?我梗係想阿根廷幫南美隊報仇啦,不過嗰邊又係得個美斯,後防危危哋,過到荷蘭,都未必過到德國!」

苟姑娘扁嘴

森美黑面打氣

Donald搵神龍

全球喪 cap

巴西歷史性輸得咁慘,絕對殺大家一個措手不及,人人 O嘴!然後全球喪出 cap圖,香港代表有《少林足球》嘅四哥金句,外國有德國總理默克爾進佔耶穌山,真係笑中有淚。

Chilam開口中

Chilam張智霖喺周三( 9日)嘅個唱度(《媽咪姐  Chilam開騷俾女摸 靚靚爆喊監場》有全版報道!),講起巴德大戰,亂噏話全場入波至少有 5球以上。結果,佢個髮型師跟住買,中咗 125倍獎金呀!

代停賽嘅堤亞高施華任隊長嘅大衞雷斯,喺 4強賽大敗後,喊到收唔到聲,仲向全巴西球迷道歉。而德國嘅湯馬士梅拿同舒爾尼就興奮到爆!

Paco醒目換波衫

Paco都飛咗去巴西睇波,最初同 adidas高層齊齊著波衫捧德國,但後尾都火速換衫免麻煩,咁有準備,抵你做金牌經理人!

阿 Sa捧阿根廷

花心嘅阿 Sa,自爆鍾意阿根廷、德國同荷蘭,但 4強賽都有為巴西打氣, btw佢最愛嘅都係阿根廷。



鍾意就快D Share啦!
Related Posts Plugin for WordPress, Blogger...