全城熱爆的娛樂八封新聞 & 時事趣聞 & 生活 + 趣聞
有一女兩仔嘅伏明霞早排出席公開活動，分享教育子女心得時話一直都擔心小朋友會遇到網絡欺凌問題，所以屋企部電腦長期放喺客廳，方便監控仔女上網情況，又強調小朋友愈細愈要管，以防誤入歧途。
湊仔湊女睇少眼都唔得，出到街，伏明霞一樣高度戒備。上個禮拜五（十一日）佢帶住對仔女行太子大廈買文具，見到《壹》仔影相，即刻吩咐已經十一歲嘅大女司渝睇實細佬皓嘉，離開文具店時，伏明霞仲開聲要求《壹》仔唔好再影！對仔女嚴加管束，對傳媒鏡頭，更加拒諸千里。
司渝背住鏡頭行出門口，跟住攬一攬細佬示意佢向前行，伏明霞就叫停《壹》仔，唔好影！
同媽咪倒模咁款嘅大女，聽教又聽話。
