2014年7月17日 星期四

[壹週刊 1271] Bosco賀樂大媽兩鑊 Bosco,黃宗澤,M1,




10/7

之前已經同樂易玲一齊倒數迎接 55歲生日嘅黃宗澤,上星期又 join埋志偉、三哥三嫂再賀大媽,之後仲同三嫂跟大媽車走。

同你吟一吟

Bosco賀樂大媽兩鑊

權力遊戲,係長期抗爭。近年同殼王陳國強頭馬余詠珊大鬥法嘅樂易玲,即使一直處於下風,但大媽 EQ高又夠皮厚,就算俾人削權,甚至踩埋入經理人部門也文也武,一樣話之你,總之保住頭上烏紗,同宿敵鬥命長。

氣焰不再,七•一生日嘅大媽,近年亦刻意唔大搞,免得俾人捉住條尾話佢濫權收禮。今年牛一,壽星喺中環請客,鍾嘉欣、胡杏兒、黃宗澤、鄭俊弘、佘詩曼、胡定欣一班「仔女」到齊,圈中老友,包括曾志偉、苗僑偉、吳啟華,上星期四(七月十日)亦特登再約食飯,同佢補祝五十五歲生日。

不過是夜樂易玲早已有局,十點後先匆匆趕到長沙灣嘅大中華,同大家切 cake飲番杯,坐到十一點幾就散,吳啟華、曾志偉自己揸車走,三哥有事早閃,三嫂戚美珍就同 Bosco跟大媽車轉場再傾。

大媽失勢,頭寵鄭嘉穎、林峯繼續唔見人,但舊年冇影嘅黃宗澤,今次就 encore食多鑊,補番數。

30/6

上月尾樂易玲喺中環請食生日飯倒數老一歲,舊年冇影嘅黃宗澤,帶定禮物到。

(《蘋果日報》圖片)

(《蘋果日報》圖片)



阮兆祥(右圖)同吳啟華都有嚟補祝大媽生日。



要揸車,三哥同曾志偉都唔敢多飲,閘住閘住。



鍾意就快D Share啦!
Related Posts Plugin for WordPress, Blogger...