掃呢頁CODE去手機

2014年7月17日 星期四

[壹週刊 1271] 千嬅林珊珊 快吹半粒鐘 珊珊,楊千嬅,千嬅,林珊珊,M1,




同你吟一吟

千嬅林珊珊 快吹半粒鐘

為遷就細路放假同方便學校借出場地,楊千嬅呢個幾月個工作期表,全奉獻俾新片《五個小孩的校長》,同一時間,仲要搞掂埋新唱片手尾,所有不必要玩局,一律暫停。

上星期五(七月十一日)下午四點,《壹》仔喺銅鑼灣利園嘅 Cova見到千嬅同林珊珊飲 tea,坐低計時,都係得半個鐘,肯定唔係請教必生女秘方,係傾公事。

舊年林珊珊帶齊兵馬鄭伊健、草蜢、 Lam仔林德信加盟寰亞旗下經理人部門(紅館),同千嬅坐埋一條船。二五話喺寰亞已經出現七年之癢嘅千嬅都有考慮過同老細合作搞公司,自立品牌,但諗到自己來年目標係做羊阿媽生羊女,鴻圖大計,唔諗住。

呢段時間,有乜依郁,林大媽,你嚟,包括埋單!

冇化妝,千嬅老虎都整番副超遮一遮,林珊珊就陪佢等𨋢,之後自己走。

坐低傾公事,林珊珊戴番眼鏡,態度認真。



鍾意就快D Share啦!