掃呢頁CODE去手機

2014年7月17日 星期四

[壹週刊 1271] 周星爺中環開飯開 talk 星爺,周星馳,M1,




聽聞星爺要一早起身睇住個市,食完同西裝友講 bye bye(箭嘴),返歸休息。

同你吟一吟

周星爺中環開飯開 talk

最近上環歌賦街好熱鬧,繼上期《壹》仔影到鍾嘉欣美腿驚現雙嬰臉,上個禮拜五(七月十一日)晚,又撞到好耐冇公開蒲頭嘅星爺周星馳同個西裝友,喺附近嘅 Gough40歎法國菜。

背住玻璃門坐嘅星爺是夜唔只好胃口,仲講唔停口,成餐飯,不停口噏噏,就算食完飯攞牙籤撩牙,把嘴一樣冇停過,開飯變開 talk。

食足兩粒鐘,星爺行出門口同朋友講拜拜,擰轉身諗住行去上車,見到《壹》仔鏡頭,更加校快腳步,急上車,撇!

自從將電影製作公司比高( 8220)搞上市,星爺似生意人多過電影人,但早排公司公布業績,全年虧損 5,946萬港元,所以嚟緊佢部《西遊.降魔篇》日本上畫,星爺決定親自飛去日本做宣傳,谷「行」啲!做演員又好,做生意都好,都係力不到不為財!

見到鏡頭,星爺當堂愕一愕,急急腳行去上車。

星爺係 Gough40常客,同朋友開餐,由頭盤講到撩牙,講唔停。

《西遊.降魔篇》 11月日本上畫,星爺日內會飛去當地做宣傳,年前佢自製同舒淇緋聞谷票房,呢條屎橋,去到日本應該唔 work!(《蘋果日報》圖片)



鍾意就快D Share啦!