早排高 Ling谷胸短裙拍瘦身廣告，著對高踭鞋，加上交叉腳，對腳望落修長得多。
同你吟一吟
高海寧象腿嚇發哥
因為要拍減肥廣告，兩個月前高海寧開始搏命減肥，足足瘦咗 10磅，變成 23吋小腰精，塊面尖晒，有個㓤死人下巴。
瘦咗！但高 Ling仲要減，因為嚟緊要同發哥周潤發、劉嘉玲拍電影《賭城風雲 2》，其中一場戲要著比堅尼打交，所以高 Ling希望再瘦啲仲學緊功夫，希望操到條「馬甲線」喎！
不過當事人似乎忽略咗佢對「肉」罷不能小象腿，上個禮拜二（七月八日）高 Ling同朋友行銅鑼灣買化妝品，短裙上陣，夠涼爽，不過對小象腿勁礙眼，同佢塊面條腰完全唔啱比例。
六呎高嘅發哥行山瘦身成功，高 Ling呢雙強腿行埋發哥身邊，一定變肥矮短囉！
|
鍾意就快D Share啦！
|
|
|
