掃呢頁CODE去手機

2014年7月31日 星期四

[壹週刊 1273] 插莊思敏 搞吳若希 鬧葉翠翠 楊秀惠犯眾憎 翠翠,吳若希,楊秀惠,莊思敏,葉翠翠,M1,




探熱針

插莊思敏 搞吳若希 鬧葉翠翠 楊秀惠犯眾憎

跟莊思敏、吳若希及葉翠翠合作主持節目《姊妹淘》的楊秀惠,恃住有個富貴男友揸手,唔憂錢途,開工經常扮大家姐,向監製投訴莊思敏搶對白,又指控新入組的吳若希唔跟稿,表現低B;最近再辣埋葉翠翠,指對方抄她的新髮型,更要求髮型師交代。搞完一個又一個,犯眾憎。

投訴余詠珊愛將

入行十年,被指人緣差的楊秀惠主持 J2節目《姊妹淘》接近三年,和莊思敏、葉翠翠和吳若希幾乎日見夜見,但早前監製在錄影廠替她慶祝生日,其餘三位左閃右避,逃避和壽星影合照。

「楊秀惠自己都知咩事,嗰日厚住面皮主動捉人同佢影合照,幾個女仔先唔好意思拒絕。大家咁唔妥佢,因為楊秀惠成日篤人背脊,監製知道佢係唔係都投訴,所以無理佢。其實個個都想開開心心做嘢,唔想有是非。」一名工作人員說。

個個都睇唔順眼!對有余詠珊做後台,新加入的吳若希,楊秀惠照樣不放在眼內,勁插她唔記對白,表現低 B,就算對方曾經當面道歉,她仍不斷向導演投訴。

「 Jinny(吳若希)後台硬淨,冇咁易俾佢篤得走。搞唔到 Jinny,楊秀惠就向翠翠埋手,之前 Kenneth(髮型師)幫翠翠整咗個類似電影《黑魔后》入面 Elle Fanning個髮型,佢見到即刻發脾氣,當場話翠翠抄佢,之後又走去同 Kenneth對質,人哋兩個髮型根本唔似,佢仲係咬住唔放,問係邊個出嘅主意,總之嘈到公司成班髮型師都知道。」

被控

抄髮型

被控

唔記稿

被控

搶對白

發完爛渣再道歉

被楊秀惠指唔記稿,吳若希回應說:「佢成日爆肚,我接唔到都冇辦法!」

至於被兜口兜面怪責抄髮型的葉翠翠,亦直認有其事。

「係有咁嘅事,不過秀惠之後話係一場誤會,都有講對唔住。(但佢走去嘈髮型師?)我知有呢件事。」

對於第一代《姊妹淘》主持莊思敏,楊秀惠亦無放過。投訴對方搶對白,但監製未有理會,還反教訓她,不該在嘉賓發言時插嘴。

楊秀惠四圍放火,莊思敏話中有話:「我淨係理自己嘅嘢,同埋想《姊妹淘》個節目好。」

葉翠翠被楊秀惠指控抄她曾經出鏡整過的髮型,兩個髮型根本唔相似,反而葉翠翠就擺明抄金髮女造型。

電影《黑魔后》裡 Elle Fanning造型

雖然比莊思敏遲入《姊妹淘》做主持,但楊秀惠長期扮大家姐教訓新人。

吳若希早前生日,一班工作人員自動自覺埋位跟壽星女影合照。

自從搭上葉姓有米新歡,楊秀惠不單入住男友位於半山的四千萬豪宅,更投資七位數字,在銅鑼灣開店賣護膚品,水頭充足。

在微博賣廣告,力谷店內旗下產品。

風格化

04年來港選「華姐」入行的楊秀惠,在無綫拍咗超過三十部劇,但由始至終,停留二線角色,在圈中十年,人緣麻麻的她,待人處事作風亦好非一般。

包面變大細面

09年,天生包面的楊秀惠,打 Botox打到出現大細面,減磅後,情況更加明顯。

請陳美詩食檸檬

曾跟孫耀威拍拖的楊秀惠, 11年跟前度的現任女友陳美詩一齊出席電視劇宣傳活動時,企硬拒絕與對方合照,令同場的陳美詩尷尬呆等。

呷莊思敏乾醋

莊思敏跟楊秀惠的前度男友 Ray相識多年,經常相約 gathering,但騎呢的楊秀惠照呷乾醋,開工時當莊思敏透明,更公開表示對方不是朋友。



鍾意就快D Share啦!