Ada向左右兩方扭腰，加埋提腿，有助訓練整體腹肌耐力。
今期流行
王晶女操馬甲線吸金
最近加盟莊思敏經理人公司的王晶女兒王子涵，上兩個月以 32C上圍、 22吋纖腰行內衣騷。為求以完美線條示人，王子涵事前玩平板支撐（ plank）這運動練馬甲線，現在即使完了騷，佢仍不放棄 keep住練，她說：「要 keep住呢條馬甲線，令多啲品牌搵我，內衣、泳衣都好，時裝都可以露腰。」
學鄭多燕
王子涵（ Ada）自小已經跳舞，所以一星期練五日 plank，她說：「以前學跳 jazz funk，成日都著好少布，跳舞老師想我哋線條靚啲，有啲 muscle，做啲動作都靚啲，體能一定要學。」但五年前她去了英國讀書便少做了，佢笑笑口話：「脫離咗跳舞，就從此無咗這習慣，但自己得閒會跑步、踩單車。」而家她在屋企得閒就做 plank，佢得意地說：「好彩馬甲線以前打底得靚，所以而家練番少少都有個大概外形喺度。」 Ada更靠跳韓國鄭多燕的健身操來操身段，「鄭多燕啲動作好易做，用嘅空間唔多，真係流晒汗。」
減肥捷徑
現在九十五磅的她，坦言喺英國讀書時捱壞身子，試過由一百零三磅跌至八十八磅，「因為大學 final掛住交功課，不斷做唔記得食飯，真係肚餓先食兩塊餅，係嗰時令而家體質唔好，經常胃痛和容易攰。」所以 Ada一有空便做運動，操 fit自己。咪以為王晶懶做運動， Ada說：「佢有時都落 club跑步。」但 Ada好彩唔似父親肥底，她都擔心地說：「唔好講呢啲，去到年紀大啲就會出現。」向平面模特兒及電影界發展的她，是否滿意自己身形？佢話；「 OK㗎，有段時間太瘦，而家肥番啲。」 Ada仲想收手臂線條，「線條再靚啲會開心啲。」問她會否抽脂減肥？她笑笑口話：「有 sponsor咪做，無 sponsor咪繼續做運動。」只是操得掂條腰和手臂後，又會否學莊思敏隆胸呢？ Ada說：「 Jacquelin（莊思敏）係一個 model，佢要 carry好多衫，需要佢有一定身材，令外形更有線條好合理，但我夠用咪得。」如果要整，佢會整鼻，但她又耍手話；「講真整完後全部都知你唔 natural，當我想整鼻，但個鼻唔完美都係塊面 10%，我仲有 90%天然，點解因為 10%變咗唔天然？我覺得我個樣 OK，無問題，有必要先做。」
|
鍾意就快D Share啦！
|
|
|
