[壹週刊 1273] 靚靚睇漏眼 Chilam遭餓女包圍 Chilam,袁詠儀,靚靚,張智霖,M1,

靚靚同鍾麗緹仔女經講不停，跟得「夫」人 Chilam唯有做人肉布景板等老婆。

探熱針

靚靚睇漏眼　 Chilam遭餓女包圍

開完紅館個唱後，張智霖立刻由男神變回廿四孝老豆，帶囝囝魔童外遊放暑假，即將要埋位拍新片《衝上雲霄》的 Chilam，上週四（七月二十四日）做埋跟得老公，陪老婆袁詠儀中環 shopping；其間巧遇長居國內的鍾麗緹，兩個辣媽久別重逢，企埋一邊交流仔女經，完全插唔到嘴的 Chilam，最後變成餓女目標，被一個接一個的女粉絲纏住集郵。最忌老公有女埋身的靚靚，掛住講，懵然不知。

出巡注目

靚靚同鍾麗緹分享魔童近照， Chilam就算埋到去，都插唔到嘴。

早前因為要留守青島拍電視劇《東方戰場》，一直無暇在大減價血拼的袁詠儀，上週四（二十四日）傍晚六時，有老公張智霖陪住，素顏現身 ifc連卡佛家品部尋寶。

其間，有兩個自由行上前要求與 Chilam合照，靚靚二話不說，識做彈開，讓老公辦「公事」。之後行到 Rimowa櫃位，靚靚對其中一個新款行李喼有興趣，停低同店員了解，呆站一旁的 Chilam，即被一個接一個、但當中九成是女的粉絲輪住影。

Chilam陪靚靚 shopping，兩人在家品部努力尋寶。

鍾麗緹先行離開，忙住影合照的 Chilam不忙揮手 say bye。

本月初 Chilam開完演唱會，隨即帶放暑假的魔童外遊。

合照現人龍，靚靚要鍾麗緹提水，才知老公被「餓女」包圍。

鬼妹仔性格的鍾麗緹，遇見相熟店員，熱情地挨向對方打招呼，之後店員更幫辣媽攞戰利品。

對 Lanvin羊毛帽（黃圈）愛不釋手的鍾麗緹，一直戴住揀鞋買手袋。

雞啄唔斷

正當 Chilam忙着舉行臨時「私影會」，另一邊廂的靚靚亦巧遇同樣在血拼的鍾麗緹，兩個辣媽無見好耐，第一時間嗌「 Miss you」又擁抱，跟住打開話題講仔女經，只見靚靚大聲說：「（魔童）已經七歲」跟住拎出電話同鍾麗緹分享相片。

招呼完 fans後， Chilam上前同鍾麗緹打招呼。 Mother talk， say完 hi的 Chilam再搭不上嘴，此時，開始出現第二波 fans團，甚至有排隊人龍，有秩序地等同 Cool魔合照。靚靚愈傾愈投入，最後要鍾麗緹提醒，才知道老公被一團「餓女」包圍，張太立即郁手，拉住老公行去女裝鞋部，幫 Chilam解圍。

鍾意就快D Share啦！

下一篇 》