掃呢頁CODE去手機

2014年7月31日 星期四

[FACE 375] 尋人 最想見番嘅娛圈失蹤人口? MF,




全知言

尋人 最想見番嘅娛圈失蹤人口?

大台來來去去都喺個班年過 30嘅小生花旦,睇到觀眾唔發火熄電視就奇,所以近排好興搵班大叔魔女復出。好似前排出番嚟嘅李麗珍、李若彤,仲吸引過班小生花旦。原來唔少人心入面都有個勁想佢復出嘅失蹤人口,你又想睇邊個?







街訪 懷念波霸

梁先生:葉子媢

「葉子媚啲演技 ok㗎!如果佢復出,想睇佢拍武俠片,未試過嘛!」

梁先生:星爺

「想睇周星馳,因為佢啲戲實在太搞笑!希望佢出返嚟拍啲風格唔同嘅戲。」

周星馳

網上圖片

陳先生:劉錫明

「佢失蹤咗咁多年,之前同周慧敏嘅緋聞咁轟動,後來又去埋台灣,唔知𠵱家點樣。想八卦下,屋企人都想知!」

劉錫明

網上圖片

Stacey:林熙蕾

「因為佢好有女神氣質,最深刻係同鄭伊健套《極速傳說》。想睇佢復出做媽媽角色,之前佢生咗 BB,可能佢嘅演繹會更有層次同味道!」

林熙蕾

網上圖片

天堂鳥︱王祖賢、張敏、張曼玉

Tyrese

張曼玉啦,大家都公認佢係影后,而且呢幾年都好少作品,佢以前嘅角色可以好感性又可以好搞笑,好百撘!

Gordon

好鍾意『綺夢』張敏。以前覺得佢好靚,睇佢好似發緊夢咁,想佢出嚟俾番啲童年回憶我!

Lincoln

王祖賢,我對佢以前拍劇嗰種感覺簡直記憶猶新,每次睇《倩女幽魂》都覺得歷歷在目,好想佢出嚟演番戲。

張曼玉

張敏

王祖賢

趙勁皓︱李修賢

一定揀李修賢!我細個志願係做警察,而李修賢有好多關於警察嘅電影,我最鍾意係《化骨龍與千年蟲》,佢可以由嚴肅嘅警察變做搞笑,好勁!

李修賢

詩雅︱彭羚

好想見到彭羚,佢唱歌太好聽,我成日唱佢首〈小玩意〉!我好敬佩佢,唱歌好聽,然後兼顧家庭亦好好,係個好嘅目標。

彭羚

網上圖片

魯芬 BB︱麥翠嫻、徐寶鳳

我想好多老友復出㗎,例如麥翠嫻、徐寶鳳,仲有森森同斑斑,男仔就有梁小龍,佢哋都應該出嚟有時客串下,等大家多啲火花,香港又可以多番啲星光嘛!

麥翠嫻

網上圖片

徐寶鳳

網上圖片

黃芷晴︱戚美珍

想睇戚美珍,我本身識得三嫂(戚美珍),佢好 nice,知道佢以前拍好多戲都好靚,唱歌又好聽,想佢出嚟拍番戲同劇,同埋同我 jam歌!

戚美珍

網上圖片

全知言

知無不言 言無不盡 我係全知言



鍾意就快D Share啦!