2014年7月23日 星期三

[FACE 374] 狗咬狗骨 高登作家互插爆性史 陶傑:出叫雞自傳你都睇啦! 陶傑,BKD_S,MF,




係咁亂㗎(真實對白)

陶傑話寫書無分貴賤,文筆好理得你人品點差,但問到佢有冇睇過網絡作家作品,佢就話:「暫時冇時間。」《蘋果日報》圖片

真面目

狗咬狗骨 高登作家互插爆性史 陶傑:出叫雞自傳你都睇

仲講𡃁模? out咗去過書展都知網絡作家至係話題,今年有成近廿位網絡作家出書,不過是是非非就同班𡃁模有得比,喺高登互插罵戰乜都齊。其中蔣薇(《南極》作者)、張飛人(《一個旅程,俾個港女搞到玩得唔係咁開心》作者)被踢爆北上叫雞,人氣急跌搞到書展出唔到書,張飛人更被貼街招話佢涉嫌騙財騙色,被迫潛水!

高登遍地花生,不過才子陶傑就認為:「網絡作家係咁亂㗎出叫雞自傳你都睇」

高登向來多風雨,自從網絡作家抬頭之後,高登更成為呢班所謂作家自 high、推 po、互篤的是非地。而近年大 hit的張飛人和蔣薇更成眾矢之的,據知兩人私底下老友鬼鬼,在高登用不同分身互相吹噓,去年尾有網友更踢爆 2人有鋪叫雞癮,甚至開心 share尋歡照片炫耀,惟 2人否認。

蔣薇 孖召妓

作家蔣薇筆名女性化,但真身係八十後港男,曾投資《二字頭》刊物,但被指為親中及與青協有關,最終停刊。(網上圖片)

蔣薇名作《那天我出席了一個葬禮》是有種文化出版,但「叫雞」醜聞一出,他便轉投另一出版社出書。

開心 share

在網上盛傳兩張疑是張飛人北上尋歡後,開心 share畀蔣薇的照片,其後更爆出他們齊齊去夜店「天上人間」召妓的傳聞。(網上圖片)

(網上圖片)

張飛人 涉騙色

張飛人真身一早被高登仔起底,原名黃超林,曾自稱是護士,但正職一直存疑。(網上圖片)

張飛人代表作係《一個旅程》,他自稱有多重人格,寫書彷彿靈魂出竅,吹水成份好高。

有網友爆出張飛人曾涉騙財騙色,更不惜工本印街招,有些更貼在旺角警署外。(網上圖片)

(網上圖片)

小姓奴 我食花生

于日辰(前名小姓奴)是今年書展大贏家,簽書會吸引 300人,賣書過萬。他說:「蔣薇佢哋搞咗個小說家會,想搞啲搵錢大茶飯,搵過我,但唔想牽涉太多,佢哋罵戰,我咪食花生囉!」

薛可正 想整死我

《男人唔可以窮》作者薛可正曾捲入罵戰,但他否認有用分身自辯:「佢哋(蔣及張)想整死我,我咪避囉!唔講咁多喇,費事煩!」《蘋果日報》圖片

被貼街招

今年初張飛人再惹是非,有網友聲稱手持證據,指他原名黃超林,曾在討論區自稱是護士和作家,又假扮律師涉呃女上床;被指騙財騙色的張飛人即遭高登仔窮追猛打,唔單只重提上年另一作家薛可正的《男人唔可以窮》大紅時,張飛人及蔣薇夾攻數臭薛可正的舊聞,有高登仔更發起貼街招活動,在港、九各區廣貼張飛人疑是「職業騙子」的街招。一時間高登展開罵戰,疑似幾名網絡作家的分身出現互插,張飛人就曾疑用「講故台先知」、「自慰艦隊」、「名偵探柯東南」等分身。

上週五( 18日)記者致電張飛人,他否認曾騙財騙色:「嗰啲嘢我冇做過,佢哋貼街招搞我,我覺得好滋擾所以報咗警喇!單案嘅嘢唔可以講咁多。單嘢搞到我連書都出唔到,(點解?)搞衰咗個名,避避先本來會出本未喺高登連載過嘅小說,𠵱家睇吓年尾出唔出啦。」

至於蔣薇今年由青馬文化推出新書《南極》,一改他與有種文化的合作關係,有種文化發言人 Ivan回應謂:「蔣薇一向冇簽死約,其實有簽咗一本,但佢話要處理嗰啲(叫雞罵戰)事務寫唔切,有影響啲銷情㗎!或者年尾至出囉。」

網絡作家大混戰,有才子之稱又寫書又做導演的陶傑就得啖笑:「話明網絡本身就係亂,網絡作家就係咁亂㗎啦,莎士比亞都貪錢睇書啫,理得你有冇叫雞啫,佢哋出叫雞自傳你都睇」話雖如此,掛得作家名都係檢點啲好!

作家零人氣

今年有廿幾位網絡作家出書,有些唔太響朵的如「超值牌」,搞簽名會都冇乜人排隊。

甜故未必掂

網絡小說題材廣泛而且唔少具爭議性,除向西寫過叫雞小說,其他作家亦有以偷食為題材,可惜現場銷量一般。

薛可正的《男人唔可以窮》將拍成電影,女主角陳嘉桓以書中人 YoYo打扮出席簽書會,替唔願真身曝光的薛可正宣傳,似乎更有效。

繼續《紅 Van》、向西

網絡作家雖然多,但紅得起的其實得幾個,好似專出網絡書的有種文化,最好賣的依然是 Pizza的《紅 Van》同向西村上春樹的舊書。

擁有最多網絡作家的有種文化發言人 Ivan稱,網絡罵戰存在好多陰謀:「好多陰謀論!有啲人抽水,想打低某啲作者,但我哋揀作者只睇內容,佢做過乜我哋唔理。」

𡃁模水尾

今屆書展寫真集失色不少,𡃁模互寸亦冇人關心;有冇影響賣書銷量?雖然大數未出,但係賣花讚花香,本本都話自己賺到笑……咁囉!

Donut

Donut聲稱寫真賣出超過 18,000本,當中以 Elke封面的最好賣, Elke喺宣傳時仲鬧其他寫真女:「佢哋做小三,又着騎呢衫,我哋出淤泥而不染。」唔知話緊邊個呢呵!

金愛妍、清穗久美子

名模M andy Lieu旗下,首次喺香港出寫真嘅日模清穗久美子搭韓模金愛妍,自稱首賣日銷量已過萬,上週五(書展第 3日)宣布加印多一萬,盡咗過江龍本份喇!

B.Gs

4人組合 B.Gs聲稱今年出寫真可能係最後一本,自稱成功谷到 9,800書,又話唔出寫真或者進軍樂壇做實力派。如果本書咁好賣,好過唱歌



鍾意就快D Share啦!
Related Posts Plugin for WordPress, Blogger...