2014年8月15日 星期五

[忽然1周 994] 王晶𠱁盡女星片場剝衫 親生女拍露點戲 王晶,BKD_S,MW,




今年 24歲的王子涵,三圍 32C、 22、 34,身材火辣。她為成名唔介意行性感,早前就行過內衣騷。《蘋果日報》圖片

滾熱辣

王晶𠱁盡女星片場剝衫 親生女拍露點戲

有「爛片王」之稱的王晶,以低俗電影起家,游說不少女星拍性感戲,旗下晶女郎個個有身材,肯露肯搏。虎父無犬女,王晶女王子涵今年 24歲, 15歲開始發明星夢客串電影,惜一直苦無發圍機會。

雖然自己是大導,但王晶一直不想愛女入娛樂圈,話到明「唔會幫」,目的是想愛女知難而退。王子涵見青春有限,今年初她簽莊思敏做經理人。擁有 32C好身材的她,最近接了劉國昌執導的情慾電影,在戲中露兩點演出。邊有老竇鍾意個女剝衫拍戲?不過,性格反叛的王子涵一意孤行,王晶亦無符!








王晶多年來𠱁過不少女星行性感拍戲,估唔到親生女現時要剝衫,難怪他㷫爆。

王子涵去年大學畢業後返港入行。初出道時,她曾被網民揶揄「你老竇拍三級,你都去拍三級」不過,一向作風大膽的她,又真的不介意露俾你睇,內衣騷照行,微博、 Instagram三點式晒胸,甚至與男友的親密牀照亦大方分享,證明王子涵亦深知豐滿身材是賣點。

秘見三級片監製

年初,王子涵簽約莊思敏,一心做出驕人成績俾老竇睇,接下劉國昌的露點情慾戲,藉此片一鳴驚人。上周五( 8日),本刊發現王子涵在經理人莊思敏陪同下與監製 James茶敍。三人逗留了個多小時,其間莊思敏與監製侃侃而談,反觀王子涵則心事重重,對監製的提問顯得心不在焉。

「其實劇本莊思敏同王子涵都睇過,大家都覺得 OK。呢套情慾戲係講現代男女對性嘅態度,大膽寫實。分為兩個單元,王子涵係其中一個單元嘅女主角,片酬都幾吸引,有七位數字,以新人嚟講真係好高。導演劉國昌睇中王子涵,係因為之前睇過佢嘅內衣騷, buy佢嗰份倔強同反叛嘅氣質。條件都傾得七七八八,但因為套戲要露點演出,王子涵仲未過到佢老竇王晶嗰關,所以一直唔敢動筆,佢依家都頭痕緊點同老竇開口。」知情者說。

安排做大茄

王晶 07年拍《七擒七縱七色狼》,就特登俾機會王子涵出鏡,不過角色用來陪襯孟瑤,可有可無。《蘋果日報》圖片

老婆低調

王子涵樣貌似足母親丁德君。丁德君與王晶結婚多年,一直十分低調。《蘋果日報》圖片

密會監製

王子涵現時簽莊思敏做經理人,希望可以在影壇上位。上周五( 8日),本刊拍得王子涵拍住莊思敏,與露點新戲監製開會,不過王全程冇乜心機,頻頻玩電話。記者就王子涵拍露點戲問過莊思敏,她說:「套戲要大膽演出。」

踩愛女阻入行

一直有傳王晶不想女兒入行,愛女情切,更試過經濟封鎖,希望女兒轉做幕後。但自小發明星夢的王子涵,做了大半年公關後,終於姣婆守唔到寡,再戰幕前。

記者致電王子涵,求證是否接拍劉國昌露點戲時,她表現驚青,強調現在只是磋商階段︰「係……係見過部戲監製,佢哋想見我,但未傾到拍。戲入面尺度較大,作為一個女仔都好多陷阱……好多嘢要考慮!」

提到露點及全裸演出,她說︰「我唔介意全裸,要睇劇本係咪真係 reasonable(合理)要我全裸先。一個決定影響好多,例如觀眾對我形象點睇。(老竇反對都係考慮因素?)我一早同佢約法三章,佢唔會過問我工作嘅嘢。佢都好尊重我嘅,我都廿四歲啦,佢唔會反對㗎嘞!」記者多次致電王晶,惟截稿前仍未獲回覆。

多年來塑造不少晶女郎的王晶,當然深明娛樂圈的出位法則。而眼見愛女擺明車馬攻娛圈,他惟有以退為進,踩個女唔夠料入行︰「我捧的晶女郎好有條件,娛樂圈競爭大。佢喺英國讀設計,最好喺呢方面發展。」王晶講到明唔想愛女入行,笑住潑冷水嘲她是「四線奀星」,更講到明不插手女兒事業,無非想愛女知難而退。

狂晒三點式

自知身材好的王子涵,今年暑假頻頻出海,她更經常自拍三點式靚相放上 facebook。

咬樽誘惑

王子涵動作豪邁,毫不介意在鏡頭前咬住汽水樽。

啜相獻世

王子涵與邱梓宏拍拖兩年,頻頻在網上晒啜爆相,可惜最後分手收場。王說:「原因好老土㗎!係性格不合囉!」

老竇拒撐被淘汰

上個月,王子涵參加內地綜藝節目《我不是明星》,與其他明星二代進行淘汰戰。為了突圍,她曾私下請老竇幫忙造勢,卻遭王晶斷然拒絕。

「 Ada(王子涵)一向都好獨立,為咗呢個節目,佢先硬住頭皮叫老竇幫手,搵班明星朋友為佢錄一些鼓勵片段喺節目播,為佢造勢。當時王晶喺泰國拍緊《賭城風雲 2》,以佢嘅人面,叫發哥(周潤發)、劉嘉玲同張家輝呢啲大星幫手,一定唔會托手踭,但王晶就唔肯幫個女,最後 Ada被淘汰。睇到同場嘅姜麗文有老竇秦沛及一班世叔伯明星前輩撐,搞到 Ada好唔開心。」

就老竇唔撐一事,王子涵答得大體︰「呢個係才藝表演節目,若鬥嘉賓鬥卡士硬碰硬,冇意思啫。(但同場姜麗文有秦沛幫手搵嘉賓撐,高下立見喎!)人哋有唔代表我都要有,我唔會葡萄人哋(你冇搵爹哋幫?)……真係……冇,係輕輕問過爹哋會唔會嚟,佢話我入到決賽至算,依家淘汰咗,惟有等復活戰。」

雖然王子涵口口聲聲話唔想「靠老竇」、「公私分明」,但咁近城隍廟,邊個唔想求支好籤?可惜老竇王晶偏偏唔想愛女進入大染缸。王大導有肉彈身材的寶貝女,唔擔心就假。

黐實發哥

王子涵不時在網上大晒自己與藝人的合照。當中她與自小已相識的周潤發更頭貼頭影相。

古仔摸手

由於老竇關係,王子涵很容易便可以與藝人做 friend。平時 cool爆的古天樂更主動捉實王子涵隻手自拍。

王子涵上月參加內地選秀騷《我不是明星》,只獲電視台安排潘瑋柏造勢,反而王晶未有幫手。她解釋:「又唔係鬥嘉賓大,我同爹哋公私分明囉!」

「晶女郎」逐個剝

導演王晶多年來捧紅過無數「晶女郎」,個個樣靚身材正。當中不乏由玉女轉型變艷星,王導果然有魔力。

邱淑貞

第一代晶女郎邱淑貞, 88年為王晶拍處女電影《最佳損友》做純情 OL。至 92年,她轉拍三級片《赤裸羔羊》,全裸上陣僅遮三點。

朱茵

純情玉女朱茵,當年包辦兩部王晶《強姦》系列電影。鮮有拍三級片的她,於《強姦 2之制服誘惑》大玩制服誘惑,打開心口性感演出,更被馬德鐘舔面。

吳雪雯

少男殺手吳雪雯,接拍王晶出品的三級電影《香港奇案之強姦》,戲中被鄭浩南施襲的她,大膽露兩點上陣。

陳煒

06年,陳煒半裸拍王晶電影《提防老千》,自此走性感之路。

微博撩是鬥非

王子涵聲稱唔靠老竇,但她在微博不時借老竇之名撩是鬥非,與人駁火!

自爆巨星緣

除了晒合照外,王子涵亦在網上自爆自己細細個已經常接觸明星,惹來一批網友鬧晒命。

叫網友返鄉下

有網友化名「導演王晶衞」在微博揶揄王子涵冇出色兼嘥王晶錢。王子涵抵唔住頸反擊,叫該網友返鄉下。

鬧人博上位

王子涵性格火爆,試過在微博開 po揞名鬧圈中人黐她博見報。

寫實派名導

被稱為香港寫實主義的導演劉國昌,擅長拍攝充滿香港特色的電影,愛用創新手法描述社會。他拍過不少經典電影,包括《童黨》、《廟街皇后》、《五億探長雷洛傳》等,票房極佳。 08年,他推出《圍城》,把天水圍童黨故事搬上大銀幕,反應就麻麻。

早在 80年代,劉國昌拍過《獅子山下》,早前他再為香港電台拍「獅子山下 2014」的《做地產》,表達香港市民買樓壓力。

《圍城》劇照

《蘋果日報》圖片



鍾意就快D Share啦!
Related Posts Plugin for WordPress, Blogger...