熱爆娛樂: [忽然1周 994] 老婆封肚　老公想生　陳茵媺陳豪冷戰茵媺,陳豪,陳茵媺,MW,

2014年8月15日星期五

[忽然1周 994] 老婆封肚　老公想生　陳茵媺陳豪冷戰茵媺,陳豪,陳茵媺,MW,

打頭陣

老婆封肚　老公想生　陳茵媺陳豪冷戰

陳茵媺（ Aimee）自去年十二月誕下囝囝陳梓燁（ Aiden）後，本來鬼妹仔性格嘅佢，突然緊張大師上身， BB未夠 4個月便搵定名牌 playgroup及幼稚園。而佢亦一直堅持餵人奶，把現時僅八個月大的 Aiden養到肥肥白白逾 22磅超晒磅，加上日夜抱實囝囝，結果搞到自己患上「媽媽手」筋膜炎，要長期戴護腕兼做物理治療。

手患折騰半年，復出亦遙遙無期，壓力爆煲的陳茵媺，更因與老公為追多個而爆冷戰。日前本刊發現佢孭住 Aiden仔及外傭到上環食晏「唞氣」時，全程表現愁眉苦面，有寃無路訴，陰功。

其他影片：>>緊張大師上身　陳茵媺黐實超磅 B
>>老婆封肚　老公想生　陳茵媺陳豪冷戰
>>娛圈夫婦追 B拗唔掂
>>陳茵媺心思思想復出　陳豪以囝囝為由禁止

00:00 00:00

html5: MEDIA_ELEMENT_ERROR: Format error

spaceplay / pause

qunload | stop

ffullscreen

shift + ←→slower / faster (latest Chrome and Safari)

↑↓volume

mmute

←→seek

. seek to previous

12…6 seek to 10%, 20%, …60%

夫妻現暗湧

陳豪和陳茵媺 6月 30日最後一次孖住出席活動，近日卻因追Ｂ和復出問題，夫妻間爆冷戰。

陳豪（ Moses）與陳茵媺自 12年拍拖後，極速同居深井碧堤半島，被拍得在寓所內互餵食物，甜到漏。陳豪更多次以「 My Queen」形容對方，愛得相當癡纏高調。

唔俾人抱 BB

去年 6月，雙陳在巴黎奉子成婚，同年 12月 4日誕下兒子梓燁（ Aiden），陳豪更豪擲 3,300萬購入大埔比華利山別墅獨立屋作安樂窩。一家三口本來好幸福，可是自從 BB出世後，以往鬼聲鬼氣的陳茵媺，卻變身成緊張大師，對愛兒的一切都份外着緊，更因湊仔用錯力，導致左手患上俗稱「媽媽手」的筋膜炎，需長期戴護腕及定期做物理治療。陳茵媺身邊好友透露：「其實阿 Mo屋企請咗兩個姐姐，一個負責所有家務，另一個就照顧 Aimee同 BB。但 Aimee好少交 Aiden俾姐姐湊，無論喺屋企又好，出街又好，佢都自己抱住 BB，就連食緊飯，一聽到 BB喊都會第一時間抱 BB去飯枱。每晚仲要等 BB瞓冧咗，先肯去沖涼。 Aimee開頭唔識抱，用錯力， BB兩個月時，佢已經成日話抱到隻手好痛，但一直冇理，點知有次痛到標眼水，睇醫生照 X光，先知咁嚴重，醫生都建議減少抱 B同注意用力。但就算 Aiden依家 8個月 22磅幾， Aimee仲係成日抱到佢實。」

B不離手

陳茵媺當日（ 3日）下午抱着 Aiden到中環餐廳食晏，雖然Ｂ仔已八個月，可以坐ＢＢ櫈，但陳茵媺寧願辛苦一點，仍用孭帶抱實ＢＢ。同日晚上，她在微博放了一杯有自己名的咖啡，似乎餐廳侍應想𠱁她開心。

似足媽咪

八個月大 BＢ Aiden十分可愛，眼睛和嘴仔均似足童年時候的陳茵媺。據知八個月的他，體重已達 22磅，比一般ＢＢ重 4至 5磅，難怪抱到媽咪手軟。

餵足一年人奶

Aiden僅八個月，但比同齡 BB重至少四磅，最大「功勞」當然是媽咪。 Aimee一直立定決心餵人奶， BB未出世時，她曾透露希望能堅持餵哺母乳半年。但時日過去， Aimee眼見 BB精靈又大隻，遂決定繼續餵人奶至 BB最少一歲。據知 Aiden十分大食，一天吃足 6餐，令 Aimee相當困身，有時連廁所都唔得閒去。單是湊仔已經辛苦到死，早前 Aimee因為要餵人奶以致不能吃抗敏藥，所以要忍痛把養了 6年的三隻愛貓暫居友人家，卻被網友夾攻批評「冇愛心」，受盡千夫所指。事後她澄清會待餵完人奶後，便把愛貓接回家重聚。她謂：「我唔介意一世食抗敏藥，亦相信 BB可以同貓貓共存。」

陳茵媺亦花了不少心力為囝囝的學業舖路。早在 BB未夠 4個月，已替兒子報定十多間 playgroup，她日前更大嘆：「我以為自己好早報，但好多都 full咗，喺香港讀書就要接受香港人嘅步伐，冇辦法。」近日她心儀離家較近的馬鞍山英基及九龍塘耀中兩間名牌國際學校，更曾秘密現身聽學前講座。為愛兒，事事做足 100分。

護腕戴足半年

初為人母的陳茵媺，除了堅持餵人奶，更無時無刻抱實ＢＢ。由於用錯力，加上Ｂ仔較重磅，令陳患上筋膜炎（媽媽手），至今半年仍未痊癒，需要戴上護腕定型。

穿孕婦衫上癮

當日由於帶住 Aiden出門，加上不想觸碰手患，陳茵媺最後寧坐的士離開。而 B仔雖然已八個月大，但陳依舊鍾情着孕婦衫褲。當日無論所穿或所買，都是名牌孕婦裝 Mayarya。

被迫推 3劇

陳茵媺自為人母後，不下數次透露照顧一個小朋友責任重大，並非單純有 400萬就夠，更要面對搵學校及教導問題，不自覺令自己增添無形壓力。奈何陳豪一直希望能夠三年抱兩，最好一子一女湊夠「好」字。他近日更經常「出口術」，單方面向傳媒透露恨追女，「唔知追唔追到呢，等個天賜俾我。有個伴始終好啲，我唔想囝囝咁孤單！」為求追多個，陳豪更講到明不想老婆咁快出山拍劇，他曾說：「 BB（ Aiden）始終係需要媽咪嘅，等 BB大啲先講」

據知陳茵媺懷孕至今，已先後辭演了《寒山潛龍》及集合黄秋生、黎耀祥等勁人合作的《梟雄》兩劇。而下月便開拍的《張保仔》，監製梁材遠早於 Aimee大肚時便親自游說她出山，坦言該劇是《情越海岸線》的延續。陳茵媺雖然心動，仍過唔到老公一關。

陳茵媺密友說：「依家見親 Aimee，變得有啲忟薑，嗰時佢佗住 Aiden時，成日話快啲生多個就收工，可以一次過修身嘛！但係最近佢精神狀態有啲差，話原來一個已經要煩好多嘢，唔想再生住。 Aimee最想快啲拍番劇，無非想唞吓氣，但阿 Mo就𠱁老婆話遲啲先。佢哋淨係呢個話題已經拗過好幾次，近排仲冷戰㖭。 Aimee惟有同班好姊妹訴苦，仲話有幾次趁 Aiden瞓晏覺，試過偷偷喺房喊過兩次！」據該密友透露，以往陳豪夫婦會經常孖公仔出席聚會，但近日聚會卻往往只見其中一人，朋友間都私下談論，擔心兩人夫妻關係現暗湧。

夫妻檔搵銀

陳茵媺生完 B瘦身後，多次和老公出席品牌活動賺奶粉錢，單上半年，夫婦二人已賺過百萬。據知已休息近年半的陳茵媺，最想復出拍劇止戲癮，奈何不獲陳豪首肯。

棄貓捱轟

陳茵媺早前自爆因要餵人奶不可服敏感藥，因此要將三隻愛貓送到友人家中暫住，結果惹來不少網友怒轟，指她不負責任，令陳情緒極度低落。

承諾取回貓

去年 11月，陳豪陪腹大便便的陳茵媺帶患病的愛貓到愛護動物協會治病，可見二人十分疼錫貓咪。據知陳茵媺原打算待 Aiden滿一歲，不用餵母乳，便會接回三隻愛貓。但若然老公要追多個，便會打亂計劃。《蘋果日報》圖片

《蘋果日報》圖片

陳茵媺早前相約同是已做媽媽的陳倩揚（中）、周家蔚（左二）出外傾湊仔經，席間陳更向好姊妹大吐苦水。

孕婦 look愁爆濕平

上周日（ 3日）下午，本刊發現陳茵媺孭着 Aiden與外傭到上環濕平兼 high tea。難得出街叉電，但記者見她在餐廳內不時愁眉苦面，更拿着餐牌發呆，久久未有點餐。而甚少讓愛兒曝光的她，當日卻破例不遮掩 Aiden的面容。記者見 BB皮膚白皙，五官精緻細長，眼睛和嘴仔極似媽咪，如陳豪口中所說「好靚仔」。至於 BB無論身高和如節瓜般的手仔腳仔，亦似足一個滿一歲的 BB。而緊張媽媽亦無懼左手患嚴重筋膜炎， high tea期間一直孭着 BB，睇見都戥佢辛苦。

陳茵媺離開餐廳時，記者發現她仍舊身穿孕婦師奶裝，跟以往性感花旦形象大有出入，而外傭手上拿着數袋戰利品，亦是名牌孕婦裝 Mayarya。生完 B也繼續置大肚裝，似乎未修身的她覺得孕婦裝鬆泡泡最自在，亦方便她湊 BB。

其間，記者上前做訪問，本來一直冇乜表情的陳茵媺，忽然顯露笑容，當記者追問「棄貓」事件時，她明顯不願多談，只說：「要講嘅之前都講過，我諗冇嘢好講。」提及「媽媽手」傷勢時，她卻大方透露：「 OK BB好重嘛！ OK嘅！」問到陳豪有冇幫手湊 B，她說：「佢？佢忙拍劇吖嘛！冇囉！」對於復出拍劇，陳則煞有介事：「我其實一直都有做嘢。（咁係咪暫時唔拍劇住？）……」乘電梯期間，她邊做訪問也邊按着 Aiden頭仔，以免着涼及被途人撞親。

其實生仔係開心事，最緊要兩公婆達成共識，唔啱講到啱，咪影響大家感情就好！

認湊 B辛苦

High tea當日，戴着三卡鑽戒的陳茵媺坦言湊仔辛苦，更對記者說：「 BB好重！」問老公陳豪有冇幫手，她則笑笑口說老公忙拍劇，所以湊仔重責落在她一人身上。

緊張媽咪

陳茵媺離開餐廳時，剛巧囝囝正睡覺，陳則以布遮實囝囝的頭，讓他好好入睡，果然細心。

生仔攤唞快兩年的陳茵媺，曾有望復出拍《情越海岸線》班底的新劇《張保仔》，但有傳陳豪禁她演出，令陳茵媺的角色要搵人頂替。

為了不讓老婆復出和塞住戲劇組高層珍姐把口，有指陳豪要執黎耀祥二攤拍蓋鳴暉做新劇《水髮烟脂》。

媽媽手手尾長

根據婦產科醫生靳嘉仁醫生所指，「媽媽手」（ dequervain）為一狹窄性肌腱滑膜炎，最常見於年輕的媽媽身上。它的主因是因為長時間抱小孩以及擠母乳所致。

最主要的症狀是大拇指關節及大拇指側的手腕出現腫脹及疼痛，尤其當用力握住物品或扭轉腕部時更使疼痛加劇。醫生建議患者用腕部護具以減少腕部活動。而嚴重者則要接受物理治療，分分鐘患者要醫一年半載。