掃呢頁CODE去手機

2014年8月21日 星期四

[壹週刊 1276] 忘恩負義 終於有人知道他是誰 囂張陳偉霆嫌棄阿嬌 阿嬌,陳偉霆,鍾欣潼,M1,




探熱針

忘恩負義 終於有人知道他是誰 囂張陳偉霆嫌棄阿嬌

曾經被前女友 Angelababy的現任男友黃曉明公開寸:「 m而我不知道陳偉霆是誰!」的 William(陳偉霆),最近憑大陸劇《古劍奇譚》大師兄一角在內地冒起,叫做終於有人知道,陳偉霆是誰!

先有 Baby,再接阿 Sa,靠身邊異性增加知名度的 William,同樣全靠阿嬌(鍾欣桐)帶挈,才有機會接拍《古劍》一劇;不過打完齋唔要和尚,還反嫌棄阿嬌形象差,拒絕再一齊做宣傳。要單打獨鬥,陳偉霆唔怕核突,將 N年前度 Angelababy擺上枱,循環再用,超級皮厚!

阿嬌帶挈

幾個月前,在內地仍沒多少人認識,頂多知道大概是 Angelababy前度,或者是阿 Sa(蔡卓妍)現任男友的陳偉霆,最近憑大陸劇《古劍奇譚》人氣飆升,微博粉絲由原本十多萬,短短兩個月激增到一百九十七萬;每次北上,都有近百 fans接機,場面拍得住韓星。

事實上,陳偉霆有機會參演此劇,全拜阿嬌所賜。據知,去年劇組斟洽阿嬌擔演劇中一個角色,英皇方面睇完劇本,知道男三號大師兄一角仍未有定案,於是落足嘴頭,賣魚頭搭魚嘴,更願意用至抵價,實行頂爛市。

雖然陳偉霆在大陸零知名度,但大師兄並非主角,收得平又保證有阿嬌,劇組於是答應做次順水人情。

世事難料!劇集播出後,劇中幾個男角都爆得起,反而女主角楊冪和阿嬌就變成陪襯。早前,陳偉霆和阿嬌一齊返大陸為劇集宣傳, William竟一反常態,刻意同對方保持距離,甚至零交流,有指大會曾安排二人一齊出場,均為他拒絕,堅持只與劇中其他男角一起接受訪問。

黃曉明幾年前被問到 Baby與 William的感情關係時,他爆出一句:「而我不知道陳偉霆是誰。」之後成為經典金句。

阿嬌受艷照事件影響,至今仍被部分大陸電視台禁止出鏡。

早前 William同阿嬌一齊返大陸宣傳新劇,兩人全程零交流。

提住 Baby

「阿嬌一直好幫 William,試過佢要出碟,阿嬌幫手揀歌又同佢合唱,幾年前拍電影《前度》,阿嬌亦有提議俾佢做男主角;今次 William叫做有啲成績,就嫌阿嬌形象唔好,艷照單嘢話就話過咗,但有啲電視台仲係唔肯俾阿嬌出鏡, William擔心咁會拖累埋自己,自私到撇甩阿嬌,說話都唔講多句。」阿嬌身邊人說。

遠離阿嬌,但宣傳期間,陳偉霆卻多次將前度 Angelababy公開擺上枱,在訪問不時提起前度,反而甚少講及現任阿 Sa。

「好簡單, Baby喺大陸咁紅, William明知道提番同 Baby嘅舊情史,就可以引起話題,所以每次都毫無避忌,狂講 Baby。」知情人說。

兩人拍拖六年,最終因為 William瞞住 Baby暗溝阿 Sa,搞到分手收場,兩人再見不是朋友。

今年二月,黃曉明送二百三十萬林寶堅尼俾 Baby,事後 William在訪問時話女友阿 Sa食魚蛋粉就滿足,擺明寸 Baby。

因為同楊冪拍了《古劍奇譚》,現在 William每次返大陸都有近百人接機,好巴閉呀!

阿 Sa同 William經常被影到一齊拍拖,他們更唔介意情侶檔拍廣告。

女友助運

出道超過十年的陳偉霆,多年來冇紅過,反而情史威水,先後與 Angelababy及阿 Sa拍拖,大大助他提高知名度。

Angelababy

03年拍《迪士尼》節目認識,兩人火速拍拖,隨後陳偉霆加入英皇,但並無特別作為,反而 Baby成為𡃁模女神,廣告、電影合約源源不絕;公開戀情後,不少廣告商要求他們情侶檔合作拍廣告,黐住 Baby, William知名度提高不少。

阿 Sa

09年與同公司的蔡卓妍合作電影《美麗密令》撻着,其時 William一腳搭兩船,背住正印 Baby同阿 Sa暗交超過半年,直到被揭發後,才與 Baby正式分手。成為阿 Sa男友後,經常被影到出雙入對, William亦多了機會接拍電影。

(《忽然 1周》圖片)



鍾意就快D Share啦!